Songlines Music Awards-ը միջազգային հեղինակաւոր մրցանակաբաշխութիւնը կը կազմակերպուի 14-րդ անգամ։ Մրցանակաբաշխութեան ամէն տարի կ՚առաջադրուին աշխարհի տարբեր երկրիներէ տաղանդաւոր երաժիշտներ եւ այն լայնօրէն կը լուսաբանուի միջազգային լրատուամիջոցներու կողմէ։
Արսէնը եւս առաջադրուածներու թիւին է «Լավագոյն արտիստ» անուանակարգին։
Նշենք, որ Պետրոսեան Յուլիս ամսուան մէջ «Ակօս»ի լուսաբանութիւններ տուած հարցազրոյցին պատմած էր ալպոմի ծագման մասին եւ տեղեկութիւններ փոխանցած իր նոր գործերուն վերաբերեալ։
Ալպոմի պատրաստութիւնները տեւած էր մօտ հինգ տարի, իսկ ձայնագրու-թիւնները աւելի քան երկու ամիս։ «Հոգին Ճանապարհը», բաղկացած է Հայաստանի մշակութային ժառանգութեան տարբեր դարաշրջաններուն պատկանող տասնմէկ երգերէ։ 18-րդ դարու բանաստեղծ Պաղտասար Դպիրէն մինչեւ մեր օրեր Տիգրան Մանսուրեանի ստեղծագրութիւններէ բաղկացած է եւ իր մէջ կը պարունակէ Հայկական երաժշտութեան բազմաթիւ ճիւղեր, հոգեւոր երաժշտութենէ մինչեւ աշուղական եւ դասական զանազան նմոյշներ։
Պետրոսեանի Լոնտոն թողարկուած «Հոգին ճանապարհ» (Hokin Janapar) ալպոմը լայն տարածութիւն ունի ամբողջ աշխարհ։ Ձայնասկավառակի շուրջ այս ամիս Արսէնը հանդէս կու գայ Եւրոպական մի շարք քաղաքներուն։
