Նախորդ Հինգշաբթի իրիկուն Ֆերիգիւղի եկեղեցւոյ յարակից «Շիրինօղլու» սրահին մէջ կայացաւ հանրածանօթ տնտեսագէտ Եդուարդ Գովանի «Թրքերէնէ Հայերէն Ասութիւններու Այժմէական Բառարան» անուն աշխատասիրութեան շնորհանդէսը։ Այս առթիւ զրուցեցինք բառարանի հեղինակ Եդուարդ Գովանին հետ։ Գովան ուսանած է Մխիթարեան վարժարանին մէջ եւ աւարտած է Իսթանպուլի Համալսարանի տնտեսագիտութեան բաժինը եւ երկար տարիներ աշխատած է իբրեւ հաշուակալ եւ երդուեալ քննիչ։

ՎԱՐԴԱՆ ԷՍԴՈՒԳԵԱՆ [email protected] Տոքթ. Եքթան Թիւրքեըլմազ ծանօթ է Հա­յոց ցե­ղաս­պա­նու­թեան մա­սին իր ու­սումնա­սիրու­թիւննե­րով։ Սա­կայն մենք այս ան­գամ այս ծա­նօթ մտա­ւորա­կանին հետ կը զրու­ցենք իր ձայ­նապնակ­նե­րու հա­ւաքա­ծոյին շուրջ։ Ան ու­նի աւե­լի քան 2 հա­զար 500 ձայ­նապնակ­ներ, որոնք հա­ւաքած է աշ­խարհի զա­նազան եր­կիրնե­րէն։ Այդ հա­ւաքա­ծոյին մէջ յա­տուկ տեղ կը գրա­ւեն, որոշ նշա­նակու­թիւն ու­նե­ցող հայ­կա­կան ձայ­նագրու­թիւննե­րը։ «Նա­ցինե­րու իշ­խա­նու­թեան տա­րինե­րուն Գեր­մանիոյ մէջ ձայ­նագրուած Բար­սեղ Կա­նաչեանի ծա­նօթ «Օրօր»ը այնքան դիւ­թիչ է որ չես կրնար -հաւ­նիլ- բա­ռով գնա­հատել»։ Թիւրքեըլ­մա­զի հետ կա­տարած հար­ցազրոյ­ցը, եթէ հարկ է բնու­թագրել, ան­վա­րան կ՚ըսեմ հե­տեւեալը. «պատ­մե­լիք բան չէ, պէտք է ապ­րիս»։ Հե­տեւա­բար առանց խօս­քը ծամծմե­լու առա­ջին հար­ցումը ուղղենք մեր խօ­սակցին։