Օրեր առաջ Տիարպէքիրի Իրաւաբաններու Միութեան նախագահ Թահիր Էլչին ձերբակալուած էր՝ Հոկտեմբերի 14-ին CNN Թիւրք-ի հաղորդումներէն մէկուն ժամանակ հնչեցուցած հետեւեալ խօսքերու պատճառաւ. «ՓՔՔ-ն զինուած քաղաքական շարժում է, որը ունի քաղաքական պահանջներ եւ շատ լուրջ աջակցութիւն, եթէ անգամ անոր որոշ գործողութիւնները ահաբեկչական բնոյթ կը կրեն»։
ՎԱՐԴՈՒՀԻ ՊԱԼԵԱՆ
Օրեր առաջ Տիարպէքիրի Իրաւաբաններու Միութեան նախագահ Թահիր Էլչին ձերբակալուած էր՝ Հոկտեմբերի 14-ին CNN Թիւրք-ի հաղորդումներէն մէկուն ժամանակ հնչեցուցած հետեւեալ խօսքերու պատճառաւ. «ՓՔՔ-ն զինուած քաղաքական շարժում է, որը ունի քաղաքական պահանջներ եւ շատ լուրջ աջակցութիւն, եթէ անգամ անոր որոշ գործողութիւնները ահաբեկչական բնոյթ կը կրեն»։ Էլչիի ձերբակալման որոշման մէջ նշուած էր, որ Էլչի թաքնուած էր երկրի մէջ, որպէսզի «ահաբեկիչ կազմակերպութեան քարոզիչ»ի մեղադրանքով յարուցուած հետաքննութիւնը անարդիւնք մնայ։ Որոշման մէջ նաեւ նշուած էր, որ ձերբակալման որոշումը կայացուած է այն բանէ ետք, երբ պարզ դարձած է, որ բոլոր որոնումներէն վերջ հետախուզութիւնը իրականացնելը եւ Էլչիին գտնելը անկարելի կը դառնայ։
Սա կ՚օգնէ հասկնալ Թուրքիոյ մէջ խօսքի ազատութեան եւ ժողովրդավարութեան մակարդակը։
Որոշման ծանուցումէն ետք իրաւաբան Թահիր Էլչին, շէնքին գտնուող իրաւաբաններու ծափահարութիւններու եւ «Ճնշումները մեզ չեն վախցներ» վանկարկումներու ուղեգցութիւնով, մօտեցած էր ոստիկաններուն։ Թահիր Էլչի հանդէս եկած էր ելոյթով՝ ըսելով. «Մի արտայայտութեան, խօսքի պատճառով Իրաւաբաններու Միութեան նախագահը կը ձերբակալուի։ Սա շատ կարեւոր է եւ կ՚օգնէ հասկնալ Թուրքիոյ մէջ խօսքի ազատութեան եւ ժողովրդավարութեան մակարդակը։ Այս պահուն Իրաւաբաններու Միութեան նախագահը կը ձերբակալուի ճիշդ միութեան շէնքէն»։
Թուրքիայի Իրավաբաններու Միութիւնը իր յայտարարութեան մէջ ապօրինի անուանած էր Պաքըրգիւղի Դատախազութեան կողմէ կայացուած Էլչիի ձերբակալութեան որոշումը՝ նշելով նաեւ, որ Էլչիի բնակութեան եւ գտնուելու վայրը յայտնի էր։
Էլչի կոչ ըրաւ զէնքերը թողելու եւ երկխօսութեան վերսկսելու մասին
Երէկ Թահիր Էլչի ազատ արձակուեցաւ։ Ան լրագրողներու հետ ունեցած զրոյցի ընթացքին յիշեցուց, որ քրտական հարցը լուծում չի գտներ, քանի դեռ ազատօրէն չենք խօսիր։
Էլչի նշեց, որ ականատես եղանք, թէ խօսքի ազատութեան ինչպիսի ճնշում կայ, եւ թէ ինչպէս անմիջապէս հետաքննութիւն կը սկսի լրատուամիջոցներուն յայտնուած քանի մը նախադասութեան պատճառով։ Շնորհակալութիւն յայտնելով իրեն աջակցողներուն՝ ան կոչ ըրաւ զէնքերը թողել եւ երկխօսութեան վերսկսել։
Է