Սարգիս Սերովբեան կը ոգեկոչուի մահուան Բ. տարելիցին

«Ակօս»ի հիմնադիրներէն, թերթի հայերէն էջերու բազ­մա­մեայ խմբա­գիր Սար­գիս Սե­րով­բեան 8 Ապ­րիլ Շա­բաթ օր իր մա­հուան Բ. տա­րելի­ցի առ­թիւ կ՚ոգե­կոչուի նախ հո­գեհանգստեան պաշ­տօ­նով, ապա Անա­րատ՛ Յղու­թիւն շէն­քի մէջ աշ­խարհիկ հան­դի­սու­թիւնով։

«Արաս» հրա­տարակ­չա­տու­նը վեր­ջերս լոյս ըն­ծա­յեց քրտա­կան բա­նահիւ­սութե­նէ քա­ղուած եւ Սար­գիս Սե­րով­բեանի թարգմա­նած ու խմբագ­րած երեք ժո­ղովրդա­կան պատ­մութիւննե­րը։ «Աշուկ ու Մա­շուկ» խո­րագ­րեալ հա­ւաքա­ծոյին մէջ տեղ գտած են Գա­րեգին Սրուանձտեան­ցի, Սար­գիս Հայ­կունիի եւ Վրթա­նէս Փա­փազեանի ԺԹ դա­րու վեր­ջե­րուն եւ Ի դա­րու սկիզբնե­րուն հրա­տարա­կած պատ­մութիւննե­րը Արեւմտեան Հա­յաս­տա­նի Մի­ջագետ­քի եւ Անա­տոլիայի ժո­ղովուրդնե­րուն մօտ դա­րեր շա­րու­նակ բեր­նէ բե­րան շրջած սի­րեր­գութիւններ են։

Գիր­քը պա­տումնե­րու հա­մահունչ ոճով նկա­րազար­դած է Զէյ­նեփ Էօզա­թալայ։ Այսպէս 8 Մարտ Շա­բաթ օր, 14.30-ին Սար­գիս Սե­րով­բեան պի­տի յի­շատա­կուի Շիշ­լիի Գե­րեզ­մա­նատան մէջ իր հո­ղակոյ­տին վե­րեւ։ Իսկ 16.30-ին Անա­րատ Յղու­թիւն շէն­քին մէջ պի­տի կա­յանայ գի­նեձօն այս նոր հրա­տարա­կու­թեան հա­մար։ Օրուայ ատե­նախօս­ներն են Գա­րին Գա­րագաշ­լը, Մեհ­մէտ Սա­յիտ Այ­տըն եւ Եդուարդ Թով­մա­սեան։ Պի­տի ցու­ցադրուի Էր­հան Արըք եւ Էր­հան Եէշիլ­տա­ղի միասին պատ­րաստած վա­ւերագ­րա­կան ֆիլ­մը, որ նիւթ կ՚ու­նե­նայ Սար­գիս Սե­րով­բեանի աշ­խա­տու­թիւննե­րը։ Նշա­նաւոր «Քար­տէշ Թիւրքիւ­լեր» խումբն ալ հա­մառօտ հա­մեր­գով մը պի­տի մաս­նակցի Սար­գիս Սե­րով­բեանի ոգե­կոչ­ման հանդէսին։