«Սխալեր ենք կը փոխանցենք»

Վա­քըֆ­նե­րէ պա­տաս­խա­նատու վար­չա­պետի փո­խանորդ Պիւ­լենթ Չա­ւու­շօղլու 22 Նո­յեմ­բե­րին մաս­նակցած «Խմբագ­րի Սե­ղանը» հա­ղոր­դումին յայտնեց թէ սխա­լած են փոք­րա­մաս­նութիւննե­րու պատ­կա­նող կարգ մը կա­լուած­նե­րու գրանցման մէջ։ Այս մա­սին հա­սարա­կու­թիւնը իրա­զեկ դար­ձած էր «Ակօս»ի լրա­տուու­թեամբ։ Մար­տի­նի մէջ, երբ գիւ­ղե­րու իրա­վիճա­կը կը փո­խուէր եւ որոշ բնակ­չութե­նէ նուազ գիւ­ղե­րը կը դառ­նա­յին թա­ղամաս, այդ գիւ­ղե­րու հա­սարա­կապատ­կան կա­լուած­ներն ալ կը փո­խան­ցուէին պե­տու­թեան։ Այսպէ­սով Մար­տի­նի մէջ ասո­րի հա­մայնքին պատ­կա­նող զա­նազան եկե­ղեցի­ներ նախ փո­խան­ցուեցան Պե­տական Գան­ձին եւ ապա Կրօ­նից Տես­չութեան։ Գայ­թակղու­թեան յայտնա­բերու­մէն ետք իբ­րեւ թէ սխա­լը սրբագ­րե­լու պատ­րուակով այս ան­գամ ալ այդ կա­լուած­նե­րը փո­խան­ցուեցան Վա­քըֆ­նե­րու Ընդհա­նուր Տնօ­րէնու­թեան։ Այդ օրե­րուն զա­նազան կա­ռոյցներ գլխա­ւորու­թեամբ Կրօ­նից Տես­չութեան հեր­քած էին «Ակօս»ի հրա­տարա­կու­թիւնը։ Չա­ւու­շօղլու հա­ղոր­դումի մի­ջոցին տուաւ հե­տեւեալ բա­ցատ­րութիւննե­րը. «եկե­ղեցի­ները չենք գրա­ւած։ Անոնք ար­դէն փոք­րա­մաս­նութիւննե­րու պատ­կա­նող եկե­ղեցի­ներ են։ Սե­ղանի վրայ առ­նուած որո­շումնե­րը դժբախ­տա­բար սխա­լու­թիւննե­րու տե­ղի կրնան տալ։ Այսպէս ասո­րինե­րու պատ­կա­նող գե­րեզ­մա­նատունն ալ փո­խան­ցուած է Կրօ­նից Տես­չութեան։ Մենք այժմ, որ­պէս Վա­քըֆ­նե­րու Ընդհա­նուր Տնօ­րէնու­թիւն եկած ենք այդ սխալ­նե­րը սրբագ­րե­լու։ Այժմ Մօր Կապ­րիէլ Վան­քին պատ­կա­նող գե­րեզ­մա­նատու­նը կրկին կը փո­խան­ցենք իրենց»։