Ոստիկանական վահան Արամ սրբազանի շուրջ

Ֆերիգիւղի Սուրբ Վարդանանց Եկեղեցւոյ կիրակնօրեայ պատարագի մասնա­կից­նե­րէն մին թրքա­կան կա­ռավա­րու­թեան կող­մէ պատ­րիար­քա­կան փո­խանոր­դի պաշ­տօ­նին վե­րահաս­տա­տուած Արամ ար­քե­պիս­կո­պոս Աթէ­շեանի դէմ իր բո­ղոքը աղօթ­քով ար­տա­յայ­տած է, որ­մէ ետք յայտնուած է ոս­տի­կանա­տուն։

11 Փետ­րուարին Ֆե­րիգիւ­ղի Սուրբ Վար­դա­նանց եկե­ղեց­ւոյ կի­րակ­նօ­րեայ պա­տարա­գը մը մա­տու­ցէր Պոլ­սոյ պատ­րիար­քա­կան փո­խանորդ, Արամ ար­քե­պիս­կո­պոս Աթէ­շեան։ Պա­տարա­գի ներ­կա­ներէն Պես­սէ Քա­պաքը, Աթէ­շեանի դէմ իր բո­ղոքը ար­տա­յայ­տե­լու հա­մար, սկսած է Աս­տուածաշնչէն «Տէր Ողոր­մեայ» աղօթ­քը բարձրա­ձայն ըն­թերցել։ Աղօթ­քով իր բո­ղոքը յայտնող Քա­պաքը դուրս բե­րուած է եկե­ղեցիէն, ապա բեր­ման են­թարկուած եկե­ղեց­ւոյ շրջա­փակը գտնուող ոս­տի­կան­նե­րու կող­մէ։ Քա­պաքի բո­ղոքը պայ­մա­նաւո­րուած է Իս­թանպու­լի նա­հան­գա­պետա­րանի կող­մէ Պոլ­սոյ հա­յոց պատ­րիար­քա­կան ընտրու­թիւննե­րու գոր­ծընթա­ցին կա­սեց­ման եւ ար­քե­պիս­կո­պոս Արամ Աթէ­շեանին՝ պատ­րիար­քա­կան գլխա­ւոր փո­խանորդ վե­րաճա­նաչ­ման հետ։

Պես­սէ Քա­պաքը բռնի կեր­պով դուրս բե­րուած է եկե­ղեցիէն։ Ոս­տի­կան­նե­րը զինք սպա­սեցու­ցած են եկե­ղեց­ւոյ բա­կը, ապա փո­խադ­րած ոս­տի­կանա­տուն։ Ֆե­րիգիւ­ղի ոս­տի­կանա­կան բաժ­նին մէջ Քա­պաքին ըսած են, որ ան իրենց «հիւրն» է եւ սպա­սեցու­ցած են գրե­թէ մէկ ժամ։ Այ­նուհե­տեւ Պես­սէ Քա­պաքը ար­ձա­նագ­րութիւն ստո­րագ­րած եւ ազատ ար­ձա­կուած է։

Ու­շագրաւ է, որ ներ­կայ ժո­ղովուրդէն ոչ ոք, նաեւ թա­ղական խոր­հուրդը ար­գելք չեն եղած ոս­տի­կան­նե­րու բեր­ման են­թարկե­լու գոր­ծո­ղու­թեան։

Իս­թանպու­լի նա­հան­գա­պետա­րանը 5 Փետ­րուարին, նա­մակ ուղղար­կած էր Պոլ­սոյ Հա­յոց Պատ­րիար­քա­րան՝ յայտնե­լով, որ չի ճանչնար Գա­րեգին ար­քե­պիս­կո­պոս Պէք­ճեանը, որ­պէս պատ­րիար­քա­կան տե­ղապահ։ Իս­թանպու­լի կու­սա­կալի տե­ղակալ Իս­մա­յիլ Կիւլթե­քինի ստո­րագ­րութեամբ նա­մակին մէջ ընդգծուած էր Մու­թա­ֆեան պատ­րիար­քի կեն­դա­նու­թեան փաս­տը ու նշուած էր պատ­րիաքա­կան ընտրու­թիւննե­րու հա­մար հա­մապա­տաս­խան պայ­մաննե­րու բա­ցակա­յու­թեան մա­սին։ Նոյն նա­մակին մէջ կը նշուէր, որ թրքա­կան իշ­խա­նու­թիւննե­րը կը շա­րու­նա­կեն Արամ ար­քե­պիս­կո­պոս Աթէ­շեանը ճանչնալ որ­պէս պատ­րիար­քա­կան գլխա­ւոր փո­խանորդ։ 

9 Փետ­րուարին Պոլ­սոյ Հա­յոց Պատ­րիար­քա­րանի Կրօ­նական ժո­ղովը որո­շում կա­յացու­ցած է Արամ ար­քե­պիս­կո­պոս Աթէ­շեանի պատ­րիար­քա­կան գլխա­ւոր փո­խանոր­դի պաշ­տօ­նին շա­րու­նա­կելուն մա­սին։ Ժո­ղովէն ետք կա­տարուած յայ­տա­րարու­թիւնով կ՚ըսուէր թէ Գա­րեգին ար­քե­պիս­կո­պոս Պէք­ճեանը հրա­ժարած է մաս­նակցիլ ժո­ղովին։ Յի­շեց­նենք, որ 2017թ։ 15 Մար­տին նոյն Հո­գեւոր խոր­հուրդը Թուրքիոյ հա­յոց 85-րդ պատ­րիար­քի ընտրու­թեան գոր­ծը կազ­մա­կեր­պե­լու հա­մար Գա­րեգին ար­քե­պիս­կո­պոս Պէք­ճեանը ընտրած էր որ­պէս պատ­րիարքական տեղապահ։