ԱՄՆ-ի գլխաւորած զինեալ ուժերը որոշած են ծրագրեալ կերպով լքել Սուրիոյ տարածքը։ Այս մասին յայտարարութիւնով մը հանդէս եկաւ Ներման միջազգային կազմակերպութեան (ՆՄԿ) Միջին արեւելքի հետազօտութիւններու վարիչ Լին Մալուֆ։
«ԱՄՆ Սուրիան լքելու պահուն իսկ կը խուսափի Ռաքքայի եւ այլ վայրերու մէջ բազմահարիւր խաղաղ բնակիչներու մահուան պատասխանատուութենէն։ Ծայր աստիճան մտահոգիչ երեւոյթ մըն է այս։ Կ՚անտեսէ իր գլխաւորած զինեալ ուժերու ռմբակոծումով տեղի ունեցած աւերը։ Բացի տեղի տուած մարդկային կորուստները, պատճառած բլուզումը վերակերտելու կամ հատուցելու դոյզն իսկ նպատակ չունենալով, աղ կը լցնէ վերապրողներու վէրքերուն վրայ։
ՆՄԿ բախումներու վերջանալէն ետք բազում անգամներ Ռաքքա այցելեց։ Տեղւոյն վրայ տեսակցեցաւ վերապրողներուն հետ։ Իսկ այլախոհական ուժերը շփման իսկ չեն անցած իրենց կեանքը վերակերտելու աշխատող այդ մարդկանց հետ։ Այլախոհներու Ռաքքա յարձակումը թափ ստացաւ հարեւան երկրի՝ Իրաքի Մուսուլ քաղաքի զինեալ գործողութիւններուն դադարելէն ետք։ Պէտք էր այլախոհները դաս քաղէին Մուսուլի մէջ իրենց պատճառած կործանումէն ու անպատժելիութենէն։ Եթէ այդ դասը քաղած ըլլային, կարելի էր Ռաքքայի սարսափելի աղէտը կանխել։ Առկայ լայնածաւալ փլատակը մարդկային խայտառակութիւն մըն է, որ կը հակասէ ԱՄՆ-ի քարոզած սկզբունքներուն եւս» ըսած է Լին Մալուֆ։
