95տարեկան հասակին մահացած է պոլսահայ մամուլի բազմամեայ գործիչ Կարպիս Ե. Մուրատեան։ Ան ծնած էր 1924 թուականին Պոլիս։ Ուսանած էր Արամեան- Ունճեան վարժարանը եւ ապա ֆրանսական երկրորդական դպրոցը։ Յաճախած էր Փարիզի համաշխարհային դպրոցի հաղորդակցութեան բաժինը։ Պոլսահայ թերթերու՝ «Ժամանակ» եւ «Մարմարա»ի մէջ ստորագրած էր բազմաթիւ յօդուածներ «Իրիկուան Տոմսեր» եւ «Ակնարկներ» խորագիրներով։ Իր յօդուածներէն կազմուած երկու ընտրանի լոյս տեսան «Ակնարկներ» եւ «Ութերորդ գիւղը» խորագիրներով։
Կարպիս Ե. Մուրատեանի առողջութիւնը հետզհետէ խանգարուած էր վերջին տարիներուն, ուր կը դժուարանար իր գրութիւնները խմբագրելու։
Իր մահով պոլսահայ մամուլի աշխարհը կորսնցուցած կ՚ըլլայ բեղուն գրիչ մը, որ կարեւոր նպաստ բերած էր քաղաքի բազմաթիւ թերթերուն։