Բոլորովին անկապակից կերպով Թուրքիոյ նախագահ Էրտողանի Զատկի նախօրեակին Սահակ Բ.-ի հետ ունեցած հեռախօսազրոյցի ընթացքին նիւթ դարձած էր Հայաստանի դեղօրեայքի օգնութեան խնդիրը։ Ապա նախագահի բանբեր Իպրահիմ Քալըն եւս յայտարարած էր Թուրքիոյ կողմէ Հայաստանի եւ Իսրայէլի կատարուելիք բժշկական օգնութեան մասին։
Նիւթը առաջին հերքողը եղաւ ՀՀ Արտ Գործ Նախարարութեան բանբեր Աննա Նաղտալեան։ Ան նախ բացատրութիւններ տուաւ թուրքիաբնակ հայաստանցիներու իրենց երկիրը վերադառնալու գործընթացի մասին։
Նաղտալեա
ն թէեւ խուսափեցաւ Պատրիարքի եւ Թուրքիոյ նախագահի միջեւ անցած զրոյցի մասին մեկնաբանութիւն ընելէ, բայց յստակօրէն յայտնեց որ իր երկրի օրակարգին վրայ նման նիւթ մը չկայ։
Միւս կողմէ Չինաստանի Հայաստանի ուղղեալ բժշկական օգնութիւնը եւ այս օգնութեան վրայի բարեմաղթանքը եւս բանավէճի նիւթ դարձած է Թուրքիոյ մէջ։
Այս վերջին զարգացումներու հիման վրայ ՀՀ Արտ Գործ Նախարարութիւնը նոր յայտարարութիւն մը ընելով պատասխանեց Թուրքիոյ կողմէ հնչած պնդումներուն։ «Նախարարութիւնս Թուրքիոյ եւ Վրաստանի իշխանութիւններուն հետ բանակցութիւններ վարած է այդ երկրի մէջ գտնուող մեր քաղաքացիներուն Հայաստան վերադարձի առումով։ Այս նիւթէն զատ որեւէ խնդիր օրակարգի չէ եկած» կ՚ըսուի Հայաստանի Արտ Գործ Նախարարութեան պատասխանին մէջ։
