Պիտի վերաքննուի «Իթիմաթ Պիւրօսու»ի հաշիւները

Եր­կար ժա­մանա­կէ ի վեր զա­նազան մե­ղադ­րանքնե­րու եւ բամ­բա­սանքնե­րու առար­կայ դար­ձած «Իթի­մաթ Պիւ­րօ­սու» ըն­կե­րու­թեան գոր­ծունէու­թիւնը վեր­ջա­պէս լու­սարձա­կի տակ կը դրո­ւի։ Այս մա­սին Թուրքիոյ Հա­յոց Պատ­րիարք Սա­հակ Բ. դի­մած է ԷՐ­ՎԱՊ-ի նա­խագա­հու­թեան, այս ըն­կե­րու­թեան հա­շիւ­նե­րը քննե­լու պահանջով։

«Իթի­մաթ Պիւ­րօ­սու» ըն­կե­րու­թիւնը հիմ­նո­ւած էր Շնորհք Պատ­րիար­քի գա­հակա­լու­թեան շրջա­նին եւ ստանձնած էր յու­ղարկա­ւորու­թիւննե­րու ըն­թացքին հայ հա­մայնքի հաս­տա­տու­թիւննե­րուն կա­տարուած նո­ւիրա­տուու­թիւննե­րը գան­ձե­լու եւ ապա որոշ տո­կոսի մը փո­խարէն սոյն հաս­տա­տու­թիւննե­րուն փո­խան­ցե­լու պաշ­տօ­նը։

Սա­կայն յա­ճախ պնդումներ կը լսո­ւէին ստա­ցուած եւ ապա փո­խան­ցո­ւած գու­մա­րի մի­ջեւ առ­կայ տար­բե­րու­թիւննե­րու մա­սին։

Վեր­ջերս այդ պնդումնե­րը աւե­լի յա­ճախա­կի դար­ձած են, որոնց հի­ման վրայ Պատ­րիար­քա­րանը պա­հան­ջած է հա­շուեքննութիւն։