ԱՐԵՒԵԼԱՀԱՅԵՐԷՆ

Թուրքական Ջիզրեի ոստիկանության շենքի վրա պայթուցիկով բեռնված բեռնատարով հարձակում է իրականացվել։ Ոստիկանության շենքը գտնվում է Ջիզրե-Շըրնաք ավտոճանապարհի վրա։ Պայթյունի հետևանքով 11 ոստիկան է զոհվել, 70-ից ավել վիրավոր կա, նրանցից 4-ի վիճակը ծանր է։

Կալանավորվել են ‹‹Օզգյուր գյունդեմ›› թերթի գլխավոր խմբագիր Զանա Քայան և հրատարակչական բաժնի տնօրեն Ինան Քըզըլքայան, ովքեր ավելի վաղ ձերբակալվել էին:

Թուրքիայի Գազիանթեփ քաղաքում տեղի ունեցած պայթյուի հետևանքով ծանր վիրավորվածներից երեքն այսօր մահացել են: Պայթյունի հետևանքով զոհերի թիվը հասել է 54-ի: 66 վիրավոր շարունակում է բուժօգնություն ստանալ Գազիանթեփի հիվանդանոցներում: Վիրաորներից 14-ի վիճակը ծանր է:

Օգոստոսի 20-ին՝ երեկոյան ժամերին, Թուրքիայի սահմանամերձ Գազիանթեփի (Անթեփ) Շահինբեյ գավառում պայթյուն է որոտացել: Նախնական տվյալների համաձայն՝ պայթյունը Իսլամական պետության ահաբեկիչն է իրականացրել: Գազիանթեփի նահանգապետարանի հայտարարության համաձայն՝ պայթյունի հետևանքով զոհերի թիվը հասել է 50-ի:

Թուրքիայում հայտարարված եռամսյա արտակարգ իրավիճակում Ֆեթուլահական ահաբեկչական խմբավորման մասը կազմելու մեղադրանքով 131 լրատվական կառույց փակվել է, 2 հազար 308 աշխատակից՝ մնացել գործազուրկ։

Դիարբեքիրի նահանգապետարանը հայտարարություն է տարածել, որավ արգելել է քաղաքում ամեն տոսակ մամլո հաղորդագրություններ, հավաքներ, ժողովներ և երթեր անցկացնել։

«Օզգյուր գյունդեմ» թերթի գործունեությունը Ստամբուլի 8-րդ ծանր հանցագործությունների գործով դատարանի որոշմամբ ժամանակավորապես դադարեցվել է։ Որոշման հիմնավորումը Քրդական աշխատավորական կուսակցության քարոզչություն իրականացնելն է։ Դատարանի որոշումից հետո ոստիկանության խմբերը հատուկ գործողություն են իրականացրել և ներխուժել են թերթի շենք։

Դիարբեքիրի Չնար և Բիսմիլի միջև գտնվող ճանապարհատրանսպորտային հսկողության կետի վրա հարձակում է իրականացվել։ Ըստ նախնական տվյալների՝ երկու ոստիկան և մեկ երեխա զոհվել են պայթյունի պատճառով։

Ջան Դյունդարը հրաժարվել է «Ջումհուրիյեթ» թերթի գլխավոր խմբագրի պաշտոնից։ Մեկ ու կես տարի շարունակ Դյունդարը զբաղեցրել է այդ պաշտոնը։ Դյունդարը նշել է, որ շարունակելու է թերթի իր սյունակում գրել՝ տեղեկացնելով սակայն, որ Թուրքիա չի վերադառնա մինչև երկրում հայտարարված արտակարգ իրավիճակը չավարտվի։

Ստամբուլի Ուսկուդարում (Սկյուտար) գտնվող Սուրբ Խաչ Դպրևանք դպրոցի պատին ռասիստական բնույթի գրություններ են գրվել․ «տանջանք հային», «Քուրշաթի ատելությունն եմ բերել ձեզ», ևն։ Սա առաջին անգամը չէ, որ հայկական դպրոցի պատերին ռասիստական գրություններ են հայտնվում։ Նմանատիպ գրություն 2016թ․ հունվարի 19-ին հայտնվել էր նաև Գալֆայան դպրոցի պատերին։