ԶՈՀԵՐ

Պակիստանի Լահոր քաղաքում Սուրբ Զատիկի արարողություններին մասնակցող քրիստոնյաներին ուղղված հարձակման հետևանքով 70 մարդ զոհվել է, 300-ը՝ վիրավորվել։ Հարձակման պատասխանատվությունը «Թալիբան»-ի մաս կազմող մի խմբավորում է ստանձնել։

Բելգիայում՝ Բրյուսելի օդանավակայանում և մետրոյում պայթյուններ են որոտացել։ Զոհերի թիվը գնալով ավելանում է։ Բելգիայի վարչապետը հանդես է եկել հայտարարությամբ։

Ստմբուլի սրտում՝ Թաքսիմի Իսթիքլալ պողոտայում պայթյուն է տեղի ունեցել: Պաայթյունի հետևանքով 5 մարդ զոհվել է, 37-ը՝ վիրավորվել:

Շըրնաքի կենտրոնում և Հաքյարի Յուքսեքովայում Թուրքիայի զինված ուժերն ու ոստիկանությունը գործողություններ են իրականացրել, որը «Մեհթեր» օրհներգով է սկսել (օրհներգ, որը Օսմանյան կայսրության բանակը պատերազմի մեկնարկից առաջ էր հնչեցնում)։ Իսկ Դիարբեքիրի Բաղլար գավառում գիշերը 03։00-ից պարետային ժամ է հայտարարվել։ Բախումների հետևանքով մեկ ոստիկան և երեք ՔՊՄ անդամ է զոհվել։

Անկարայում՝ Գյուվեն այգու մոտակայքում, երեկ երեկոյան՝ ժամը 18:45-ին, պայթյուն է գրանցվել: Պայթյունի հետևանքով 37 մարդ մահացել է, 125-ը՝ վիրավորվել։

Բալըքեսիրի Այվալըք գավառի Ալթընովա թաղամասում ծովի ափին հայտնաբերված դիակների թիվը գնալով մեծանում է։ Իզմիրի Դիքիլի գավառի ծովեզերքին հայտնաբերվել է երեխաների և կանանց 7 դի։