20Մարտ չորեքշաբթի ցերեկուայ ժամերուն ուրախութիւնը ունեցանք այցելութիւնը վայելելու Կիլիկիոյ Կաթողիկոսութեան Միաբաններէն Գերաշնորհ Նարեկ Արք. Եպսկ. Ալեէմէզեանի, որ միջոցէ մը ի վեր քաղաքս կը գտնուի Տիեզերական Պատրիարքի յատուկ հրաւէրով։
Այս այցելութեան ընթացքին Սրբազան Արք. Եպիսկոպոսին կ՚ընկերակցէր Յովակիմ Վրդ. Սերովբեան։
Սրբազանը Իսթանպուլ ժամանած է եկեղեցիներու համաշխարհային խորհուրդի ժողովին մասնակցելու համար։
Նարեկ Արք. Եպիսկոպոս այս այցելութեան ընթացքին խմբագրութեանս նուիրեց իր հեղինակած երկու հատորներ, որոնցմէ առաջինը Սուրբ Գրիգոր Նարեկացու «Բան խրատու վասն ուղիղ հաւատոյ եւ մաքուր վարուց առաքինութեան» անուն հատորն էր, որ երկլեզու կը մատուցէր հայազգի սուրբի շատ կարեւոր աշխատասիրութիւնը հայերէն, աշխարհաբար եւ անգլերէն թարգմանութիւններով։ Նշենք որ գիրքի թարգմանութիւնը կատարուած է Խաչիկ Գրիգորեանի կողմէ։
Յաջորդ հատորը «Հայ եկեղեցւոց պատասխանները ոչ ուղղափառ առարկութիւններու» իր կարգին եւս խիստ կարեւոր ուսումնասիրութիւն մը, որ պատասխանէ մանաւանդ աղանդաւորներու ձեռամբ հայ հոգեւոր մշակոյթի ուղղեալ մեղադրանքներու։