Սովորականին մէջ անսովորը ընդգծել կամ Սելահատտին Տեմիրթաշի «Ժամալ»ը

ԲԱԳՐԱՏ ԷՍԴՈՒԳԵԱՆ

pakrates@yahoo.com

Թուրքիոյ մէջ ար­դա­րադա­տական հա­մակար­գի քա­ղաքա­կանաց­ման հե­տեւան­քով անար­դա­րօրէն բան­տարկո­ւած բիւ­րա­ւոր անուննե­րու խորհրդան­շա­նը դար­ձած է Ժո­ղովուրդնե­րու Ժո­ղովրդա­վարու­թեան Կու­սակցու­թեան նախ­կին հա­մանա­խագահ Սե­լահատ­տին Տե­միր­թաշ։

Ան աւե­լի քան ինը տա­րիներ է, որ ազա­տազրկման պայ­մաննե­րու մէջ բան­տարկո­ւած կը մնայ էտիր­նէի ար­գե­լանո­ցը։

Ինչպէս կ՚ըսէ ժո­ղովրդա­կան առա­կը «Չկայ չա­րիք, չու­նե­նայ բա­րիք»։ Նախքան բանտ մտնելը Տեմիրթաշ իր բարեկամներուն խոստացած էր բանտարկութեան իւրաքանչիւր տարին նոր գիրք մը հրատարակել։ Ար­դա­րեւ այս անար­դար բան­տարկու­թեան պայ­մաննե­րու հե­տեւան­քով Թուրքիոյ հա­սարա­կու­թիւնը ծա­նօթա­ցաւ Տե­միր­թա­շի գրա­կան շնոր­հին հետ ալ։ Ան ար­դէն ծա­նօթ էր իբ­րեւ բազ­մա­տաղանդ ան­հատ։ Կու­սակցու­թիւնը գլխա­ւորած ժա­մանակ իսկ սոց­ցանցե­րու մէջ կը հան­դի­պէինք անոր երաժշտա­կան կա­տարումնե­րուն։ Ընդհան­րա­պէս անար­ժէք ու ան­տա­ղանդ բթա­միտ­նե­րով լե­ցուն քա­ղաքա­կան դաշ­տին վրայ Տե­միր­թաշ լու­սա­տու աստղ մը ըլ­լա­լով կը փայ­լէր ընդմիշտ։

Լոյս տե­սած է Սե­լահատ­տին Տե­միր­թա­շի ութերորդ գիրքը, վէ­պի ձե­ւաչա­փով։ «Ժա­մալ» անուն գիր­քի գլխա­ւոր կեր­պա­րը կա­պաւոր կեր­պով փո­ղոցը ապ­րի­լը նա­խընտրած ան­տունի մըն է։ Վի­պագի­րը պատ­կե­րալից տո­ղերով կը նկա­րագ­րէ տնա­զուրկ մարդկանց զա­նազան կեր­պարներ, որոնք ընդհան­րա­պէս բնա­կու­թիւն հաս­տա­տած են Պէ­յօղ­լու թա­ղի հա­րակից փո­ղոց­նե­րը։ Պա­տահա­կանու­թիւննե­րու հե­տեւան­քով փո­ղոցաբ­նակ Ժա­մալ կը ծա­նօթա­նայ գե­ղանի հա­յու­հիի մը հետ, որուն անունն է Արուս։ «Արուս ըսե­լէն խու­սա­փեցան եւ անձնա­գիրիս մէջ անունս նշե­ցին Իրիս ըլ­լա­լով։ Բայց ամ­բողջ կեան­քիս ըն­թացքին թէ տան մէջ եւ թէ ըն­կե­րական բո­լոր մի­ջավայ­րե­րուն Արուս ըլ­լա­լով կը ճանչնան»։

Վէ­պի յա­ջոր­դող էջե­րը ըն­թերցո­ղը յա­ճախ կը դնէ այնպի­սի տպա­ւորու­թեան մը մէջ, կար­ծես թէ Հո­լիվու­տեան կամ Եէշիլ­չա­մեան կա­ղապա­րի վե­րածո­ւած պա­տում մը կ՚ըն­թերցէ։ Բայց շու­տով կը ձեր­բա­զատո­ւիս այդ տպա­ւորու­թե­նէն շնոր­հիւ հե­ղինա­կի հրա­շալի նկա­րագ­րումնե­րուն։ Եթէ վէ­պի առանցքը սո­վորա­կան կը թո­ւի, անոր վրայ եկող իւ­րա­քան­չիւր ման­րա­մաս­նութիւն նո­րանոր գրա­կան հնարք մըն է։

Վե­րեւ նշած էինք վի­պագի­րի բազ­մա­տաղանդ շնոր­հը։ Ար­դա­րեւ այս հրա­տարակ­չութեան կող­քի նկարն ալ կը պատ­կա­նի Սե­լահատ­տին Տե­միր­թա­շին, ապա­ցու­ցե­լով անոր գե­ղան­կարչա­կան կա­րողու­թիւննե­րը եւս։ 

Վստահ կրնանք ըլ­լալ թէ «Տիփ­նոթ» հրա­տարակ­չա­տու­նէն լոյս տե­սած «Ժա­մալ»ը շու­տով կը սպա­ռի եւ կ՚ար­ժա­նանայ բա­զում նոր տպագ­րութիւններու։