Կարմիր Խաչը այլեւս պիտի չայցելէ Պաքուի բանտերը պահուող հայ գերիներուն

Կարմիր Խա­չի Մի­ջազ­գա­յին կո­միտէն Պա­քուի բան­տե­րը պա­հուող հայ գե­րինե­րու ըն­տա­նիք­նե­րուն փո­խան­ցեց, թէ այ­լեւս պի­տի չայ­ցե­լեն գե­րինե­րուն, եւ որ այ­լեւս յա­րաբե­րու­թիւն չու­նին անոնց հետ։

Գե­րինե­րուն հա­րազատ­նե­րը այս լու­րը լսե­լով՝ մե­ծապէս մտա­հոգո­ւեցան, որով­հե­տեւ Կար­միր Խա­չը միակ մի­ջազ­գա­յին ան­կախ կա­ռոյցն էր, որ կա­րելիու­թիւնը ու­նէր այ­ցե­լելու բան­տարկո­ւած հա­յերուն, տե­ղեկա­նալ անոնց իրա­կան վի­ճակին մա­սին, զբա­ղիլ անոնց առող­ջա­կան հար­ցե­րով, անհրա­ժեշտ հա­գուստ եւ մաք­րութեան պա­րագա­ներ հասցնե­լու անոնց, ինչպէս նաեւ հա­րազատ­նե­րուն հետ տե­սակապ ապա­հովե­լու։

«Ազա­տու­թեան» հետ ու­նե­ցած զրոյ­ցի մը ըն­թացքին, հա­րազատ­նե­րէն մէ­կը յայտնեց, որ թէ՛ իրենց եւ թէ գե­րինե­րուն վեր­ջին յոյ­սը մա­րեցաւ, որով­հե­տեւ Կար­միր Խա­չը միակ մի­ջոցն էր, որ գե­րինե­րը ըն­տա­նիք­նե­րուն հետ կը կա­պէր:

Կար­միր Խա­չի հա­յաս­տա­նեան գրա­սենեակի ներ­կա­յացու­ցիչ Զա­ռա Ամա­տու­նի «Ազա­տու­թեան» հետ զրոյ­ցի մը ըն­թացքին տե­ղեկա­ցուց, որ վեր­ջին ան­գամ հայ գե­րինե­րուն այ­ցե­լած են Յու­նի­սին. այս ամիս այ­ցե­լու­թիւն չէ եղած։ Ըստ անոր՝ Ատրպէյ­ճա­նի իշ­խա­նու­թիւննե­րուն պա­հան­ջով՝ Կար­միր Խա­չի Մի­ջազ­գա­յին կո­միտէի Պա­քուի ներ­կա­յացուցչու­թիւնը հե­տագա­յին պի­տի դադ­րեցնէ իր գոր­ծունէու­թիւնը։

Պա­տաս­խա­նելով այն հար­ցումին, որ այս կը նշա­նակէ, թէ Պա­քուի մէջ մի­ջազ­գա­յին կազ­մա­կեր­պութեան փա­կու­մէն ետք, Կար­միր Խա­չը այ­լեւս պի­տի չկա­րենա՞յ այ­ցե­լել հայ գե­րինե­րուն՝ Ամա­տու­նի ըսաւ, որ այս հար­ցին շուրջ երկխօ­սու­թիւնը կը շա­րու­նա­կուի Ատրպէյ­ճա­նի իշ­խա­նու­թիւննե­րուն հետ, սա­կայն, ձե­ւաչա­փին վե­րաբե­րեալ յստակ ոչինչ կայ։

Ան նաեւ յայտնեց, որ իրենց գոր­ծունէու­թիւնը միայն պա­հուող հայ ան­հատնե­րուն չի վե­րաբե­րիր, այլ ան­յայտ կոր­սո­ւած­նե­րուն եւ անոնց ըն­տա­նիք­նե­րուն, որոնց պէտք է իրենց հա­րազատ­նե­րուն ճա­կատա­գիրին մա­սին պա­տաս­խան տալ։