ԱՐԵՒԵԼԱՀԱՅԵՐԷՆ

ԺԺԿ (Ժողովուրդների ժողովրդավարական կուսակցություն՝ HDP) համանախագահ Սելահաթթին Դեմիրթաշը խոսել է անձեռնմխելիությունների չեղյալ հայտարարման մասին․ «Առաջադիմություն և զարգացում կուսակցության (ԱԶԿ՝ AKP) գործիքը դարձած դատարանները փորձելու են մեր մի խումբ պատգամավորների լինչի ենթարկել։ Լու՞ռ ենք մնալու այս ամենի դեմ։ Թույլ չենք տալու մեզ դատել ձեզ պատկանող դատարաններում։ Մեզանից ոչ մեկ ցուցմունք տալու համար ոստիկանություն, դատախազություն, դատարան չի ներկայանալու»։

Թուրքիայի ազգային մեծ ժողովի (ԹԱՄԺ) սահմանադրական հանձնաժողովը երեկ քննարկել է ԹԱՄԺ որոշ պատգամավորներին անձեռնմխելիությունից զրկելու սահմանադրական փոփոխության առաջարկը։ Վեճերով լի քննարկում է տեղի ունեցել։ ԺԺԿ (Ժողովուրդների ժողովրդավարական կուսակցություն՝ HDP) պատգամավորները հեռացել են քննարկման սրահից, որից հետո քննարկումն ընթացել է առանց նրանց մասնակցության։ Հանձնաժողովն ընդունել է սահմանադրական փոփոխության առաջարկը։

Թուրքիայի ներքին գործերի նախարարի տեղակալ Սեբահաթթին Օզթյուրքը նշել է, որ Դիարբեքիրի Սուր գավառում նկարահանված և երեքշաբթի օրը սոցցանցերում տարածված տեսահոլովակում նկարահանվածը անվտանգության աշխատակից է։ Նա նաև նշել է, որ նրան աշխատանքից ազատելու հրաման է տրվել։ «Միայնակ եմ, հա՛յր» վերնագիրը կրող տեսահոլովակը լի է ռասիստական արտահայտություններով։ Դիարբեքիրի Սուր գավառում տեսահոլովակի նկարահանման պահին գործող պարոտային ժամը դեռ շարունակվում է։

Հայոց ցեղասպանության 101-րդ տարելիցին նվիրված միջոցառումներ են իրականացվել Ստամբուլի սրտում։

2011թ․ ապրիլի 24-ին Թուրքիայում՝ Բաթմանում, պարտադիր զինծառայության ընթացքում սպանված հայազգի Սևակ Բալըքչըի հիշատակը հարգվել է նրա շիրմի մոտ։

Թուրքական խորհրդարանի հայազգի պատգամավորները «Ակօս»-ի հետ զրույցում մեկնաբանել են ապրիլի 24-ի 101-րդ տարելիցի կապակցությամբ Պոլսո հայոց պատրիարքարանի կազմակերպած պատարագը և Թուրքիայի նախագահ Էրդողանի ցավակցական նամակը։

Ստամբուլի Սուրբ Մարիամ Աստվածածին եկեղեցում տեղի ունեցած ապրիլ 24-յան պատարագի ընթացքում Պոլսի պատրիարքական փոխանորդ Արամ Աթեշյանն ընթերցել է Թուրքիայի նախագահ Ռեջեփ Թայիփ Էրդողանի ցավակցական նամակը։

ԱԺԿ (Ազգերի ժողովրդավարական կուսակցություն՝ HDP) Ստամբուլի հայազգի պատգամավոր Կարո Պայլանը հանդես է եկել 1908-1915թթ․ ընթացքում օսմանյան խորհրդարանում պատգամավորի (երեսփոխան) պաշտոն զբաղեցրած, ապա 1915թ․ ապրիլ-մայիս ամիսներին ձերբակալված և սպանված 7 հայ պատգամավորի մասին թուրքական խորհրդարանում հետաքննություն սկսելու առաջարկով։

Հրանտ Դինքի սպանության գործով դատավարության՝ երեկ կայացած նիստի ընթացքում որոշում է կայացվել ազատ արձակել կալանքի տակ գտնվող ամբաստանյալներ Մուհիթթին Զենիթին և Օզքան Մումջուին։ Դատավարության հաջորդ նիստը մայիսի 24-26-ին է տեղի ունենալու։

Հայտնի է դարձել, որ Ստամբուլի ոստիկանական վարչությունը, չնայած 2004թ․ սպառնալիքների և անվտանգության միջոցառումների մասին գրություններին, Հրանտ Դինքի տան և «Ակօս» շաբաթաթերթի մոտ անվտանգության միջոցառումներ չի իրականացրել։