Անուանի հայ երգահան Արամ Խաչատուրեանի անունով 18-րդ Միջազգային Երաժշտական Մրցումը մեկնարկեց Երեւանի մէջ 6 Յունիս թուականին, որ նաեւ Արամ Խաչատուրեանի ծննդեան օրն է։
Միջոցառումը մեկնարկեց մրցման մասնակիցներու, դատակազմի եւ կազմակերպիչներու Երեւանի պանթէոնին մէջ Արամ Խաչատուրեանի շիրմին վերեւ յարգանքի տուրք մատուցելով։
Մրցման գլխաւոր նպատակ կը համարուի երիտասարդ երաժիշտներու յայտնաբերումը։ Այս տարի մրցումին բացի Հայաստանէն, Պելկիա, Ռուսիա, Վենեզուէլա, Հարաւային Քորէա, Ճափոնիա, Չինաստան, Ռումինիա, Մոլտովա, Պելառուս, Զուիցերիա, Սպանիա եւ Իտալիայէն 19 թաւջութակահարներ կը մասնակցին։
Մրցումի բացումը կատարուեցաւ Հայաստանի Պետականա Սինֆոնիկ Նուագախումբի համերգով։ Սերկէյ Սմբատեանի խմբավարած համերգին մենակատարն էր անուանի ջութակահար Քրիստոֆ Պարաթի։
Մրցման արդիւնքները պիտի յայտարարուին 13 Յունիսին կայանալիք յատուկ միջոցառումով։
Արամ Խաչատուրեանի անուան Միջազգային Երաժշտական Մրցումը առաջին անգամ կայացած էր երգահանի ծննդեան 100-ամեակին՝ 6 Յունիս 2003 թուականին։
