ՓՐՈՖ. ԱԶԻԶ ԵԱՂԱՆ
23Հոկտեմբեր կիրակի օր կայացած հաւաքոյթով մը պաշտօնապէս մեկնարկեց Ամիտայի Մարքսիստ դպրոցը։ Պսակաձեւ ժահրի համավարակէն առաջ սկսած հիմնադրութեան շրջանը այսպէսով աւարտած եղաւ։ Հիմնադրութեան հռչակագիրը յայատարարուեցաւ քրտերէն, թրքերէն, հայերէն, արաբերէն եւ անգլերէն լեզուներով։ Նորակազմ դպղոցը նպատակադրած է Մարքսական վարդապետութեան մատնուած խթանումը վերացնել, ինքնանորոգուիլ, բանուոր դասակարգի հետ յարաբերութիւնը խտացնել եւ հետզհետէ քրտաշունչ մերձեցում մը ձեւաւորել։
Երկու դարի հասնող անցեալի մը լոյսին տակ Ի դարը կրկնելէ ձերբազատուիլ լեւ ԻԱ դարու պահանջներուն համապատասխան գաղափարներու արտադրման գործընթացին մէջ Քիւտիստանի ալ իր տեսանկիւնով ներգրաւումը ապահովելը դպրոցի հիմնական առաքելութիւններէն է։
Հիմնադիրները նշեցին թէ այս նախաձեռնութիւնը կուսակցական բնոյթ չունի եւ քաղաքական ծրագիր մը չէ։ Ան աւելի շատ կը միտի քաղաքական դաշտին տուեալներ փոխանցելու եւ բոլոր կուսակցութիւններու հանդէպ հաւասար հեռաւորութիւն պահելու։ Գաղափարի արտադրութեան խնդրին մէջ կարեւոր կը համարուի երիտասարդ սերունդի ներգրաւումը։ Այս առումով Ամիտայի Մարքսիստ դպրոցը գաղափարական միասնութենէ աւելի, տարբեր գաղափարներու քննարկման վայր մը պիտի ըլլայ։
Այս ծիրէն ներս նախատեսուած է ամէն տարի աշնան ամիսներուն կազմակերպել յատուկ միջոցառումներ, համաշխարհային խնդիրներու քննարկման համար։
