Այս տարի 20-րդ անգամ է որ կը կայանայ Բանուորական Ֆիլմերու Միջազգային Փառատօնը։ Մայիս 1-11 թուականներուն, Անգարայի, Պոլսոյ եւ Իզմիրի ցուցադրութիւններով, 17 երկիրներէ 81 ժապաւէն առանց հովանաւորի եւ առանց մրցոյթի պիտի ներկայանայ հանդիսատեսներուն։
Այս տարի սինամասէրերը պիտի վայելեն 59 տեղական, 22 օտար ժապաւէններ։ Ֆիլմերու ցուցադրութիւնը անվճար է։
Պոլսոյ Եւրոպական կողմը ֆիլմերու ցուցադրութիւնները պիտի կայանայ Պէյօղլու Սինեման, Ֆրանսական Մշակութային Կեդրոնը եւ Այնալը Փասաժի Ձեռնարկի Սրահին մէջ. իսկ Ասիական ափը, Գատըգիւղ՝ Պարըշ Մանչօ Մշակութային Կեդրոն եւ Ձեւաւորման Արհեստանոցի մէջ պիտի կատարուին։ Անգարայի մէջ ցուցադրութիւնները Տողան Թաշտելէն Ժամանակակից Արուեստներու Կեդրոն, Միւլքիյէլիլէր Միութիւն, Մեքենագէտներու Պալատի Կրթական եւ Մշակութային Կեդրոն, Գիւլթ Գավագլըտերէ Սինեմայի մէջ. իսկ Իզմիրի մէջ՝ Ֆրանսական Մշակութային Կեդրոն, Թիւրքան Սայլան Մշակութային Կեդրոն, Թարըք Աքան Երիտասարդական Կեդրոն, Մարսիաս Բեմ, Գարշըեաքա Ժողովրդային Տուն, Սանաթհանէ եւ Մենտերէս Մշակութային եւ Կեանքի Միութեան մէջ պիտի իրականացուին։
Նախ Մայիս 1-ի
տօնակատարութիւնները,
ապա փառատօնի բացումը
Պոլսոյ եւ Իզմիրի բացման ժապաւէնը, տնային գործաւորներու աննշմար աշխատանքն ու դասակարգային հակամարտութիւնները քննարկող Էրքան Թահհուշօղլուի «Շրջան»ը պիտի ըլլայ։ Պոլսոյ բացումը, Մայիս 2, Ուրբաթ, ժամը 19.30-ին Աթլաս Սինեմայի մէջ, Էմրէ Ճանփոլաթի հաղորդավարութեամբ երեկոյին պիտի կատարուի։ Դերասաններ Մերթ Ֆըրաթ, Սերտար Օրչին, Թաներ Ռումելի, Լեւենթ Իւզիւմճիւ եւ սինեմայի քննադատ Ալին Թաշչըեան երեկոյին պիտի մասնակցին։ Բեմադրիչ Եէշիմ Ուսթաօղլուին շնորհակալական յուշատախտակ պիտի պարգեւուի. սեթ գործաւոր՝ քասթ տնօրէն Էզկի Պալթաշ բեմ հրաւիրուելով պիտի պատւուի։
Անգարայի բացման ժապաւէնը, Տքթ. Իսմայիլ Պէշիքչիի կեանքը պատմող «Մեր Իսմայիլը» պիտի ըլլայ։ Բեմադրիչը՝ Ֆաթին Գանաթ, ժամը 18.00-ին Տողան Թաշտելէն Ժամանակակից Արուեստներու Կեդրոնի մէջ հանդիսատեսին հետ պիտի հանդիպի։ Իզմիրի բացման երեկոյի պատուաւոր հիւրը դերասանուհի Նազան Քեսալ պիտի ըլլայ։
Եէշիմ Ուսթաօղլուի հայեացք
եւ վարպետութեան դաս
Փառատօնի մէջ այս տարի բեմադրիչ Եէշիմ Ուսթաօղլուի համար յատուկ հայեացք մը պատրաստուած է։ «Դէպի Արեւ Ճամբորդութիւն», «Ամպերուն Սպասելով», «Փանտորայի Տուփը», «Արաֆ» եւ վաւերագրական «Մէջքերնին Կեանքը» փառատօնի ընթացքին պիտի ցուցադրուին։ Նաեւ Մայիս 10-ին Պոլսոյ Այնալը Փասաժի մէջ ժամը 15.00-ին Ուսթաօղլուի հետ վարպետութեան դաս մը պիտի կազմակերպուի։
«Տարկէչիթ» վաւերագրական
եւ քննարկում
Պերքէ Պաշի բեմադրած «Տարկէչիթ» վաւերագրականը, 1995-ին բռնի կերպով անհետացուած Տավութ Ալթընքայնաքի պատմութեան միջոցով բացուած ԺԻԹԷՄ դատը կը պատմէ։ Ժապաւէնը, Մայիս 10 Շաբաթ ժամը 17.00-ին Այնալը Փասաժի մէջ պիտի ցուցադրուի։ Անկէ ետք Յիշողութեան Կեդրոնի մասնակցութեամբ, Քութսալ Մոթորէն Հասան Ճէօմերթի ժողովավարութեամբ «Ժամանակին Դիմադրողները. Կորսուածներու Համար Արդարութեան Հետքերով» խորագիրով քննարկում պիտի կազմակերպուի։
Միջազգային հիւրեր
Զուիցերիացի բեմադրիչ Սամիր, Մայիս 6-ին Պարըշ Մանչօ Մշակութային Կեդրոնի մէջ, ամերիկացի բեմադրիչ Նելլի Քլուզ Մայիս 9-ին Պէյօղլու Փերա եւ Մայիս 10-ին Այնալը Փասաժի ցուցադրութիւններէն ետք հանդիսատեսներուն հետ զրոյց պիտի իրականացնեն։
Անգարայի մէջ ամէն օր
քննարկումներ եւ զրոյցներ
Անգարայի մէջ փառատօնի ընթացքին ամէն օր ձեռնարկներ պիտի կազմակերպուին։ Կիւրսել Քորաթի հետ զրոյց, ապատեղեկատուութեան քննարկում, ֆիլմի այցելութիւն, Օ՛ֆիլմ եւ Չարք ֆիլմի մասին զրոյցներ, Սելտա Թաշքըն եւ Փրոֆ. Տքթ. Սերտար Էօզթիւրքի հետ խմբագրութեան եւ ֆիլմի լեզուի մասին նիստեր պիտի կատարուին։ Նաեւ յատուկ ցուցադրութիւններ Մանուշակագոյն Արահետ Կիներու Միութեան, ՕՏԹԻՒ Վիշնելիք Շրջանաւարտներու Միութեան եւ ՕՏԹԻՒ Սինեմա Խմբակցութեան գործակցութեամբ պիտի իրականանան։
Իզմիրի մէջ քայլարշաւ եւ քուիր դիմադրութեան ձեռնարկներ
Փառատօնի Իզմիրի բաժինը, Մայիս 1-ի քայլարշաւով պիտի սկսի։ Ժամը 11.30-ին Պորսայի Շէնք, ՍԿՔ-ի առջեւ հաւաքուող փառատօնի կամաւորները, ԻՖՖ երթ կազմելով Մայիս 1-ի հրապարակ պիտի քալեն։ Իզմիրի մէջ ամէն օր տարբեր վայրերու մէջ բեմադրիչի մասնակցութեամբ ֆիլմերու ցուցադրութիւններ պիտի ըլլան։ Փառատօնը, Մայիս 3 Շաբաթ, Ֆրանսական Մշակութային Կեդրոնի մէջ ժամը 18.30-ին «Կուքլա» ժապաւէնով պիտի սկսի։ Անկէ ետք ֆիլմի մասին պիտի խօսուի։
Մայիս 4-ին Կեանք ՔուիրՖեսթ եւ Նոյեմբեր 20 Ատելութեան Ոճիրներու Դէմ Պայքարի Միութեան գործակցութեամբ կազմակերպուելիք ձեռնարկին մէջ, քուիր սինեմայի պայքարող ձայնը Իզմիրցի հանդիսատեսին պիտի ներկայանայ։ Մայիս 5-ին Թեմել Ճոնթա գործաւորներու գործադուլի տարածքին մէջ յատուկ ցուցադրութիւն մը պիտի կատարուի։ Փառատօնը, Մայիս 11-ին Պերկամա Նաւու մէջ փակման ձեռնարկով եւ «Լոյսի Հունձքը» ժապաւէնի ցուցադրութիւնով պիտի աւարտի։
