Նիկիոյ ժողովի 1700-ամեակին նուիրուած երեկոյթ

Մելիքէ Չա­փանի կող­մէ պատ­րաստո­ւած վա­ւերագ­րա­կան ֆիլ­մի ցու­ցադրու­թիւնը, 31 Մա­յիս 2025, Շա­բաթ, Ն.Ս.Տ.Տ. Բար­թո­ղոմէոս Ծ. Պատ­րիար­քի հո­վանա­ւորու­թեամբ Ֆէ­նէրի Մա­րաշ­լի Յու­նաց Վար­ժա­րանի մէջ տե­ղի ու­նե­ցաւ։

Ցու­ցադրու­թեան ներ­կայ էր Ն.Ս.Տ.Տ. Բար­թո­ղոմէոս Ծ՜ Պատ­րիար­քը, նաեւ քոյր եկե­ղեցի­ներէ առաջ­նորդներ եւ ներ­կա­յացու­ցիչներ։ Յա­նուն Պատ­րիար­քա­կան Աթո­ռոյս հան­դի­սու­թեան ներ­կայ եղաւ Արժ. Տ. Կո­րիւն Ա. Քհնյ. Ֆէ­նէր­ճեան։

Ցու­ցադրու­թեան ըն­թացքին խօսք առին հո­գեւոր առաջ­նորդներ, Լա­քի Վին­կաս եւ Մե­լիքէ Չա­փան, որոնք անդրա­դար­ձան թէ՛ Նի­կիոյ Ժո­ղովի պատ­մա­կան եւ կրօ­նական կա­րեւո­րու­թեան եւ թէ այս ֆիլ­մի պատ­րաստու­թեան իրենց մաս­նակցու­թիւնը բե­րած Ն.Ս.Տ.Տ. Բար­թո­ղոմէոս Ծ. Պատ­րիար­քի եւ Ն.Ա.Տ. Սա­հակ Բ. Պատ­րիար­քի, քոյր եկե­ղեցի­ներու առաջ­նորդնե­րուն եւ բո­լոր աշ­խա­տակից­նե­րուն ներդրումնե­րուն։ Այս առ­թիւ իրենց երախ­տիքն ու շնոր­հա­կալու­թիւնը յայտնե­ցին անոնց եւ ծրագ­րին իրա­կանաց­ման ներդրում ու­նե­ցող­նե­րուն։

Ֆիլ­մը պի­տի տե­սասփռո­ւի նաեւ հա­մացան­ցի վրայ։