Մելիքճան Զամանը սրտանոթի պատճառով կեանքը կորսնցուց

Յան­կարծա­մահ ըլ­լա­լու բօ­թը հա­սաւ 11 Յու­նի­սի առա­ւօտո­ւայ ժա­մերուն։ Շու­տով պար­զուցաւ թէ Մե­լիք­ճան Զա­ման մա­հացած է Թուզլա­յի ամա­ռանո­ցը, երբ իր կինն ու դուստրը ար­դէն վե­րադար­ձած էին քա­ղաք։

Մե­լիք­ճան Զա­ման 1982 թո­ւակա­նին ծնած էր Պո­լիս։ Նախ­նա­կան ու­սումը Ֆե­րիգիւղ Մե­րամեթ­ճեան տար­րա­կան դպրո­ցը աւար­տե­լէ ետք Պոլ­սոյ հա­մալ­սա­րանի պե­տական կոն­սե­րուա­տորիայի ջու­թա­կի բա­ժինը աւար­տեց, ապա Փրոֆ. Չիղ­տէմ Յու­նաթ Իյի­ճիլի աշա­կերտ դառ­նա­լով Մի­մար Սի­նան հա­մալ­սա­րանի պե­տական կոն­սե­րուա­տորիայի ջու­թա­կի ծրա­գիրին ըն­դունո­ւեցաւ։

Օր­թա­գիւ­ղի Թարգման­չասց, Փան­կալթը Մխի­թարեան, Եշիւլգիւ­ղի հայ­կա­կան վար­ժա­րան­նե­րու մէջ իբ­րեւ երաժշտու­թեան ու­սուցիչ պաշ­տօ­նավա­րելէ ետք, 2015 թո­ւակա­նին ստանձնեց Եշիլ­գիւղի Վար­ժա­րանի տնօ­րէնի պաշ­տօ­նը։

Մինչ այդ իբ­րեւ սե­փական նա­խաձեռ­նութիւն հիմ­նեց «Ակա­դեմիա Զ» երաժշտա­կան ու գե­ղարո­ւես­տի դպրո­ցը։ 2004 թո­ւակա­նէն մին­չեւ այ­սօր Պոլ­սոյ Պե­տական Թա­տերա­խումբնե­րու շրջա­նակին մէջ 30-էն աւե­լի թատ­րերգու­թիւննե­րու հա­մար ստանձնեց «երաժշտու­թեան տե­սուչ» պաշ­տօ­նը։

Մե­լիք­ճան Զա­ման եր­կար տա­րինե­րէ ի վեր ստանձնած է նաեւ Սա­յաթ Նո­վա երգչա­խումբի խմբա­վարի պաշ­տօ­նը։

Զա­ման նաեւ կրտսեր որ­դին էր գրող Թա­գու­հի Թով­մա­սեան Զա­մանի։

Մե­լիք­ճան Զա­մանի յու­ղարկա­ւորու­թիւնը կա­տարո­ւեցաւ 13 Յու­նիս ուրբաթ օր ժա­մը 12.00-ին, Եշիլ­գիւղի Սուրբ Ստե­փանոս Եկե­ղեցւոյ մէջ։ Իսկ թա­ղման ծէսը կա­յացաւ Պա­լըք­լըի Գե­րեզ­մա­նատան իր ընտանեկան դամբարանին վրայ։

«Ակօս»ի անձնա­կազ­մը Զա­ման եւ Թով­մա­սեան ըն­տա­նիք­նե­րուն ցա­ւը կը կի­սէ եւ համ­բե­րու­թիւն կը մաղթէ։