Ընդդիմութիւնը կը փորձէ օրակարգ պարտադրել

Նախագահ Էր­տո­ղանի գլխա­ւորած կա­ռավա­րու­թիւնը, շա­հագոր­ծե­լով դա­տական հա­մակար­գը, կը շա­րու­նա­կէ հա­լածել ընդդի­մադիր կու­սակցու­թեան նո­ւաճած քա­ղաքա­պետու­թիւննե­րը։ Աւե­լի քան երեք ամիս­ներ է, որ ան­հիմն մե­ղադ­րանքնե­րով, ար­հեստա­կան զրպար­տութիւննե­րով կա­լանա­ւորո­ւած է Իս­թանպու­լի քա­ղաքա­պետ Էք­րեմ Իմա­մօղ­լու։ Իր հետ նաեւ կա­լանա­ւորո­ւած են շրջա­նային քա­ղաքա­պետ­ներ եւ քա­ղաքա­պետա­րանի բարձրաս­տի­ճան պաշ­տօ­նէու­թեան բազ­մա­հարիւր ան­դամներ։

Հար­ցաքննու­թիւննե­րու վեր­ջին օղա­կը կազ­մեց Իզ­միր քա­ղաքը։ Այստեղ ալ նախ­կին քա­ղաքա­պետ Թունչ Սո­յէրի հետ միասին բեր­ման են­թարկո­ւեցան 130 պաշ­տօ­նեաներ։ Անոնց մէջ է նաեւ Ժո­ղովրդա­հան­րա­պետա­կան Կու­սակցու­թեան Իզ­մի­րի նա­հան­գա­պետը։ Դա­տախա­զու­թիւնը բեր­ման են­թարկե­լու որո­շում կա­յացու­ցած էր ըն­դա­մէնը 157 ան­ձե­րու հա­մար։ Անոնց մէկ մա­սը ար­տերկիր գտնո­ւելով չեն կա­լանա­ւորո­ւած։

Այս բո­լորին դէմ Ժո­ղովրդա­հան­րա­պետա­կան Կու­սակցու­թիւնը 1 Յու­լիս երեք­շաբթի երե­կոյ, մեծ հան­րա­հաւաք մը կազ­մա­կեր­պեց Սա­րաչ­հա­նէ, քա­ղաքա­պետա­րանի շէն­քի առ­ջեւ։ Կու­սակցու­թեան պետ Էօզ­կիւր Էօզէլ ընդգծեց օրի­նազան­ցութեան հա­րիւ­րե­րորդ օրը եւ յի­շեցուց որ կանգ պի­տի չառ­նէ ար­դա­րու­թիւնը պաշտպա­նելու իր պայ­քա­րին մէջ։

Ինչպէս նա­խորդ հան­րա­հաւաք­նե­րուն, այս ան­գամ ալ զան­գո­ւածի ցրո­ւած պա­հուն ոս­տի­կանու­թիւնը մեծ բռնու­թեամբ բեր­ման են­թարկեց բազ­մա­թիւ ցու­ցա­րար­ներ, որոնք ազատ ար­ձա­կուե­ցան յա­ջորդ օր։

Կա­ռավա­րու­թեան ընդդի­մադիր­նե­րու դէմ պայ­քա­րը բազ­մա­շերտ է։ Ար­դա­րեւ 30 Յու­նի­սին ալ կա­յացած էր ժո­ղովրդա­հան­րա­պետա­կան­նե­րու վեր­ջին հա­մագու­մա­րը չե­ղեալ հա­մարե­լու հի­ման վրայ շա­րու­նա­կուող դա­տավա­րու­թիւնը։ Այդ հա­մագու­մա­րին տե­ղի ու­նե­ցած էր նաեւ կու­սակցու­թեան պե­տի փո­խարի­նում։ Նախ­կին կու­սակցա­պետ Քե­մալ Քը­լըչ­թա­րօղ­լու իր պաշ­տօ­նը զի­ջած էր ներ­կայ կու­սակցա­պետ Էօզ­կիւր Էօզէ­լին։

Այս պաշ­տօ­նափո­խու­թիւնը իր հետ բե­րած էր նաեւ նոր ռազ­մա­վարու­թիւն։ Ար­դա­րեւ Քը­լըչ­թա­րօղ­լո­ւի որ­դեգրած մեղմ ընդդի­մու­թեան փո­խարէն Էօզէլ չէր խու­սա­փած ժո­ղովուրդի դժգո­հու­թիւնը հան­րա­հաւաք­նե­րու մի­ջոցաւ տե­սանե­լի դարձնե­լէ։ Եր­կար տա­րիներ ետք ընդդի­մադիր­նե­րը փո­խանակ իշ­խա­նու­թեան առա­ջադ­րութիւննե­րու դի­մաց պաշտպա­նու­թեան դիրք բռնե­լու, ինք սկսած էր օրա­կարգ ձե­ւաւո­րել։

Այժմ դա­տախա­զը կը պա­հան­ջէ հա­մագու­մա­րը իր ար­դիւնքնե­րով միասին չե­ղեալ հա­մարել։ Նման որո­շում մը շատ աւե­լի լուրջ ալե­կոծում պի­տի ստեղ­ծէ Թուրքիոյ քա­ղաքա­կան դաշ­տի վրայ։

Դա­տական նիս­տը աւար­տե­ցաւ, խնդի­րը 8 Սեպ­տեմբե­րին կրկին քննար­կե­լու որո­շու­մով։