Հրկիզման կոչեր «Լեման»ի խմբագրատան առջեւ

Լե­ման եր­գի­ծական պար­բե­րակա­նի վրայ տե­ղադ­րո­ւած գծագ­րութիւ­նը բոր­բո­քեց ճի­հատա­կան­նե­րը։ Նկա­րի վրայ Մու­համմէտ ու Մով­սէս միաս­նա­բար կը ցա­ւին Կազ­զա­յի մէջ պա­տահած­նե­րուն։ Այսքա­նը բա­ւարար եղաւ, որ­պէսզի հա­լածան­քի ալիք մը գո­յանայ պար­բե­րակա­նի դէմ։ Նախ սոց­ցանցե­րու գրա­ռումնե­րը թի­րախա­ւորե­ցին պար­բե­րակա­նի աշ­խա­տակազ­մը։ Անոնք կը պնդէին թէ այս նկա­րի մի­ջոցաւ ծաղ­րանքի են­թարկո­ւած է իս­լամնե­րու Մո­համ­մէտ մար­գա­րէն։

Իս­թանպու­լի դա­տախա­զու­թիւնը հար­ցաքննու­թիւն սկսաւ, որու հե­տեւան­քով բեր­ման են­թարկո­ւեցան գծագ­րութեան հե­ղինա­կը, խմբա­գիրը, հրա­տարա­կու­թեան տնօ­րէնը եւ հա­շուա­պահը։

Նոյն օր երե­կոյեան ժա­մերուն Ներ­քին Գոր­ծոց Նա­խարար Ալի Եէր­լի­քայա յայ­տա­րարեց աշ­խա­տակազ­մի բեր­ման են­թարկո­ւելու լու­րը, հա­ղոր­դե­լով նաեւ այս գոր­ծո­ղու­թեան վե­րաբե­րեալ տե­սանիւ­թեր։

«Եր­գի­ծաթեր­թի մը կող­մէ Մար­գա­րէ Եֆեն­տիին ծաղ­րանկա­րը հրա­պարա­կելու կա­պակ­ցութեամբ Պոլ­սոյ Դա­տախա­զու­թեան կող­մէ Թուրք Պատ­ժա­կան Օրէն­քի 216-րդ յօ­դուա­ծի հա­մաձայն «կրօ­նական ար­ժէքնե­րը հրա­պարա­կային կեր­պով նսե­մաց­նել» մե­ղադ­րանքով իրա­ւական քննու­թիւն սկսո­ւած է։

Գծագ­րութեան թի­րախ դառ­նա­լէն ետք խումբ մը ար­մա­տական կրօ­նամոլ­ներ իս­կոյն մէկ­տե­ղուած են պար­բե­րակա­նի խմբագ­րա­տան առ­ջեւ։ Երբ խու­ժա­նը շէն­քը հրկի­զելու կո­չեր կ՚ար­ձա­կէր, ոս­տի­կանու­թիւնը կը գո­հանար քա­ղաքա­վար կեր­պով ամ­բո­խը զսպե­լու ջա­նալով։

Լե­ման պար­բե­րակա­նի խմբագ­րութիւ­նը սոց­ցանցե­րու մի­ջոցաւ հրա­պարա­կեց հե­տեւեալ լու­սա­բանու­թիւնը.

«Այս նիւ­թի մա­սին հրա­պարա­կումներ ընող­նե­րուն զգու­շա­ցում. Այս նկա­րը Մու­համմէտ մար­գա­րէի ծաղ­րանկար մը չէ։ Իս­լա­մական աշ­խարհին մէջ 200 մի­լիոնէ աւե­լի մար­դու անու­նը Մու­համմէտ է։ Այստեղ ակ­նարկո­ւածը ոչ մէկ կապ ու­նի Մու­համմէտ մար­գա­րէի հետ։

Գծագ­րութեան հե­ղինա­կը Իս­րա­յէլի կող­մէ սպան­նո­ւած մու­սլումա­նի մը կեր­պա­րով փոր­ձած է պա­տերազ­մի վայ­րա­գու­թիւնը նկա­րագ­րել։ Մե­զի վե­րագ­րուած յան­ցանքը բո­լորո­վին կը մեր­ժենք, որով­հե­տեւ Մար­գա­րէ Եֆեն­տիին նկա­րագ­րութիւն չկայ։ Գծագ­րութիւ­նը այդպէս մեկ­նա­բանե­լու հա­մար շատ չար մտադ­րութիւն ու­նե­նալ պէտք է։

Լե­ման Ամ­սագրի տպագ­րումէն ետք բեր­ման են­թարկո­ւած կա­լանա­ւոր­նե­րը Վա­թանի Անվտան­գութեան Կեդ­րոն փո­խադ­րո­ւած են։ Մէկ օրով եր­կա­րացուած է նաեւ անոնց կա­լան­քի ժամ­կէ­տը, որմէ ետք դատարանը վճռեց ձերբակալման։

Ժո­ղովրդա­հան­րա­պետա­կան Կու­սակցու­թեան նա­խագա­հի թեկ­նա­ծու Էք­րեմ Իմա­մօղ­լու եւս մաս­նակցած է «Լե­ման» պար­բե­րակա­նի դէմ մեկ­նարկած հա­լածան­քի ար­շա­ւի եւ ինք ալ բուռն կեր­պով դա­տապար­տած այս հրա­տարա­կու­թիւնը։

Բա­ցառու­թիւն կազ­մած է միայն ու միայն Ժա­մանա­կակից Իրա­ւաբան­նե­րու Միու­թիւնը։ Անոնք հա­լածան­քի ար­շա­ւը կը գնա­հատեն իբ­րեւ խօս­քի ազա­տու­թեան դէմ բռնի մի­ջամ­տութիւն։ Զօ­րակ­ցութիւն կը յայտնեն պար­բե­րակա­նի աշ­խա­տակազ­մին, ըսե­լով որ ընդմիշտ իրենց կող­քը պի­տի մնան։

Ար­մա­տական իս­լա­միստնե­րու շրջա­նակին գերզգա­յուն խնդիր մը դար­ձած է Մո­համ­մէտ մար­գա­րէի վե­րաբե­րեալ իւ­րա­քան­չիւր մեկ­նա­բանու­թիւն։ Ան­ցեալին հնդիկ գրող Սալ­ման Ռիւշտիի դէմ մա­հավ­ճիռ ար­ձա­կած էր Իրա­նի Իս­լամ Հան­րա­պետու­թեան կրօ­նապետ Իմամ Այա­թուլլահ Խո­մէյ­նին։ Յի­շողու­թիւննե­րու մէջ տա­կաւին թարմ է Փա­րիզ, «Շար­լի Հեպ­տօ» պար­բե­րակա­նի անձնա­կազ­մին դէմ գոր­ծո­ւած ոճ­րա­գոր­ծութիւ­նը։ Եւ տա­կաւին կա­րելի է յի­շել Սե­բաս­տիա, «Մա­տըմաք» հիւ­րա­նոցի հրկիզ­ման դէպ­քը, որ խլած էր 34 ան­մեղ կեանքէր։