Սուվէյտիէի նախայուլիսեան փառատօնը 25 տարեկան

Ինչպէս երկրի զա­նազան գա­ւառ­ներ, Հա­թայ նա­հան­գի Սու­վէյտիէ գա­ւառն ալ ու­նի իր աւան­դութիւ­նը, որ հե­ռաւոր դա­րերէ հա­սած է մին­չեւ մեր օրե­րը։ Իրա­կանու­թեան մէջ երկրի իւ­րա­քան­չիւր գա­ւառ իրա­ւաբա­նու­թեան յա­տուկ աշ­խա­տանո­ցի մը բնոյթ ու­նի։ Այս ծի­րէն ներս Սու­վէյտիէ ալ ու­նի իր յատ­կանշա­կան առանձնա­յատ­կութիւննե­րը։ Այդ յատ­կութիւննե­րէն մէկն է նաեւ մայ­րե­նի լե­զուն։ Նախ նշենք որ Սու­վէյտիէ այս աւա­նի պատ­մա­կան անունն է։ Ան այժմ պաշ­տօ­նապէս կը կո­չուի Սա­ման­տաղ։

Հան­րա­պետու­թեան շրջա­նին տե­ղանուննե­րը թրքե­րէնի վե­րածե­լու ար­շա­ւի տա­րինե­րուն պա­տահա­բար ան ալ վե­րածո­ւած է Սա­ման­տա­ղի։ Շատ հա­ւանա­կան է, որ այս անո­ւանու­մը պարզ խե­ղաթիւ­րում է Սուրբ Սի­մոնի անու­նով յի­շուող լե­րան։ Ար­դա­րեւ եր­բեմնի «Սի­մոն Տա­ղըն» այժմ վե­րածո­ւած է իմաս­տա­զուրկ կեր­պով Սա­ման Տա­ղի։

Մի­ջերկրա­կանի մշա­կոյ­թի եւ զօ­րակ­ցութեան միութեան ջան­քե­րով վեր­ջին 25 տա­րինե­րուն վե­րակեն­դա­նացո­ւած է տեղ­ւոյն ալե­ւի ժո­ղովուրդի հա­մար աւան­դա­կան նշա­նակու­թիւն մը ու­նե­ցող նա­խայու­լի­սեան փա­ռատօ­նը։

Եթէ գա­ւառը յայտնի է իր ընդդի­մադիր բնու­թիւնով, բնա­կանա­բար փա­ռատօ­նի մի­ջոցա­ռումներն ալ պի­տի ու­նե­նան նման բնոյթ։

Ար­դա­րեւ փա­ռատօ­նի օրե­րուն նա­խատե­սուած է մշա­կու­թա­յին զա­նազան մի­ջոցա­ռումներ, ասու­լիսնե­րու, բա­նախօ­սու­թիւննե­րու, աշ­խա­տանոց­նե­րու՝ ներ­կա­յացումնե­րու եւ հա­մերգնե­րու ձե­ւաչա­փով։

Վեր­ջին տա­րինե­րուն գա­ւառի հա­յաբ­նակ Վա­քըֆ գիւղն ալ նե­րառուած է այդ մի­ջոցա­ռումնե­րուն։ Ար­դա­րեւ այս տա­րի ալ 8 Յու­լի­սին կա­յացաւ հե­տաքրքրա­կան հա­մերգ մը, որուն առանցքը կը կազ­մէր Կո­միտաս վար­դա­պետի ստեղ­ծա­գոր­ծութիւննե­րը։ Իսկ 11 Յու­լի­սին գիւ­ղի մէջ պի­տի կա­յանայ մայ­րե­նի լե­զուի դի­մագ­րա­ւած դժո­ւարու­թիւննե­րը նիւթ առ­նող ասու­լիս մը։

Պար­տինք նշել որ հա­յաբ­նակ Վա­քըֆ գիւ­ղը կը փոր­ձէ յա­րատեւ պա­հել հա­յերէ­նի յա­տուկ բար­բառ մը, որ թէեւ կը շա­րու­նա­կուի գոր­ծա­ծուիլ աշ­խարհի տար­բեր ան­կիւննե­րուն, բայց հետզհե­տէ մո­ռացու­թեան են­թա­կայ է իր բնօր­րա­նին մէջ։

Քա­ղաքի մէջ կա­յանա­լիք ասու­լիսնե­րու մէկ մա­սը ուղղո­ւած են երկրա­շար­ժի աղէ­տէն ետք տա­րածաշրջա­նի դի­մագի­ծը փո­խել մի­տող զա­նազան նա­խաձեռ­նութիւննե­րու։ Մաս­նա­գէտ­ներ կար­ծիքներ պի­տի փո­խանա­կեն աղէ­տը շա­հագոր­ծե­լով տա­րածաշրջա­նի դի­մագի­ծը փո­խելու փոր­ձե­րուն դի­մադ­րե­լու հա­մար։

Քա­ղաքի հա­մերգնե­րու շար­քէն ալ կը հան­դի­պինք հան­րա­ծանօթ ընդդի­մադիր անուննե­րու, ինչպի­սիք են ռաք երաժշտու­թեան Մո­ղոլ­լար խումբը, Տեր­սի­մի ժո­ղովրդա­կան երաժշտու­թիւնով ծա­նօթ Մե­թին, Քե­մալ Քահ­րա­ման եղ­բայրնե­րը եւ շատ ու­րիշներ։

Ցե­ղաս­պա­նու­թեան խնդի­րը յա­տուկ ու­շադրու­թեան ար­ժա­նացած նիւթ մըն է, որ պի­տի քննար­կո­ւի 12 Յու­լի­սին շուրջօ­րեայ գի­տաժո­ղովի մը ձե­ւաչա­փով։ Այստեղ եւս մաս­նա­կից­նե­րու մէջ կը նկա­տենք բազ­մա­թիւ հան­րա­ծանօթ դէմ­քեր։

Յա­ջոր­դող շա­բաթ­նե­րուն պի­տի շա­րու­նա­կենք ար­ձա­գան­գել Սու­վէյտիէի նա­խայու­լի­սեան փա­ռատօ­նի մի­ջոցա­ռումներուն։