Երեւան կը պահպանէ՝ պաղեստինեան մշակութային ժառանգներ

Հայաս­տա­նի եւ Պա­ղես­տի­նի իշ­խա­նու­թիւննե­րը հա­մաձայ­նե­ցան ժա­մանա­կաւո­րապէս Երե­ւանի Մա­տենա­դարա­նին մէջ պահ­պա­նել վտան­գո­ւած պա­ղես­տի­նեան մշա­կու­թա­յին ժա­ռան­գութեան նմոյշնե­րը։ Այս մա­սին յայ­տա­րարեց Հա­յաս­տա­նի Ար­տա­քին գոր­ծոց փոխ­նա­խարար Վա­հան Կոս­տա­նեան, որ 30 Յու­լի­սին, Նիւ Եոր­քի մէջ, հան­դի­պում մը ու­նե­ցաւ Պա­ղես­տի­նի Ար­տա­քին գոր­ծոց նա­խարար Վար­սէն Աղա­բեկեանին հետ, Մ.Ա.Կ.-ի՝ «Եր­կու պե­տու­թիւն սկզբունքի հի­ման վրայ Պա­ղես­տի­նի հար­ցի խա­ղաղ կար­գա­ւոր­ման» նո­ւիրո­ւած նա­խարա­րական հա­մաժո­ղովի ծի­րէն ներս։

Ըստ Հա­յաս­տա­նի Ար­տա­քին գոր­ծոց նա­խարա­րու­թեան յայ­տա­րարու­թեան՝ եր­կու դի­ւանա­գէտ­ներ քննար­կե­ցին Հա­րաւա­յին Կով­կա­սի եւ Մի­ջին Արե­ւել­քի իրա­վիճա­կը։ Անոնք անդրա­դար­ձան երկկողմ յա­րաբե­րու­թիւննե­րու ըն­թացքին եւ կար­ծիքներ փո­խանա­կեցին հնա­րաւոր միացեալ ծրա­գիր­նե­րու մա­սին։ Գնա­հատո­ւեցաւ նաեւ պա­ղես­տինցի դի­ւանա­գէտ­նե­րու մաս­նակցու­թիւնը Հա­յաս­տա­նի դի­ւանա­գիտա­կան դպրո­ցին կող­մէ իրա­կանա­ցուող դի­ւանա­գէտ­նե­րու վե­րապատ­րաստու­թեան ծրա­գիրին։

Նշենք, որ նա­խորդ տա­րի, Երե­ւան ճանչցաւ Պա­ղես­տի­նի պե­տու­թիւնը, Պա­ղես­տի­նեան իշ­խա­նու­թիւնը ող­ջունեց Երե­ւանի քայ­լը, մինչ իս­րա­յէլեան աղ­բիւրներ հա­ղոր­դե­ցին, թէ Իս­րա­յէլի Ար­տա­քին գոր­ծոց նա­խարա­րու­թիւն կան­չո­ւեցաւ Իս­րա­յէլի մօտ Հա­յաս­տա­նի դես­պան Ար­ման Յա­կոբեան եւ այս գծով անոր «խիստ յան­դի­մանու­թիւն» փո­խան­ցո­ւեցաւ, նաեւ նշուեցաւ, որ այդ քայ­լը լուրջ հե­տեւանքներ պի­տի ու­նե­նայ Իս­րա­յէլի եւ Հա­յաս­տա­նի յա­րաբե­րու­թիւննե­րուն վրայ։

Հա­մաժո­ղովի ըն­թացքին ար­տա­սանած իր խօս­քին մէջ, Կոս­տա­նեան նաեւ ող­ջունեց Ֆրան­սա­յի կող­մէ Պա­ղես­տի­նի ճա­նաչու­մը եւ Մեծն Բրի­տանիոյ վեր­ջին յայ­տա­րարու­թիւնը՝ թէ կը պատ­րաստո­ւի նոյն քայ­լը առ­նե­լու, եթէ Իս­րա­յէլ չդադ­րեցնէ Կա­զայի վրայ յար­ձա­կումնե­րը։ «Առանձնա­յատուկ հպարտ ենք, որ Ֆրան­սիայի եւ Պա­ղես­տի­նի ար­տա­քին գոր­ծե­րի նա­խարար­նե­րը հնա­րաւո­րու­թիւն ու­նե­ցան հան­դի­պելու Հա­յաս­տա­նում՝ «Երե­ւանեան երկխօ­սու­թիւն» դի­ւանա­գիտա­կան հա­մաժո­ղովի շրջա­նակում՝ ճա­նապարհ հար­թե­լով այս պատ­մա­կան իրա­դար­ձութեան հա­մար», ընդգծեց Կոս­տա­նեան։

Ան նաեւ յայտնեց, որ Հա­յաս­տան՝ իր իսկ փոր­ձա­ռու­թե­նէն մեկ­նե­լով, լաւ գի­տէ պա­տերազմնե­րու սար­սա­փը։ Թէեւ Հա­յաս­տա­նի կա­րելիու­թիւննե­րը սահ­մա­նափակ են, սա­կայն իրենք կը փոր­ձեն աջակ­ցիլ Պա­ղես­տի­նի ժո­ղովուրդի կա­րիքներուն։