Յամառիլ անարդարութեան

ԵՄԻԱ 2019-ին, յայ­տա­րարած է թէ 2016-էն այս կողմ բան­տարկեալ Սե­լահատ­տին Տե­միր­թա­շի դէմ ար­ձա­կուած վճի­ռը իրա­ւական փաս­տե­րէ զուրկ է եւ քա­ղաքա­կան նպա­տակով կա­յացած։ ԵՄԻԱ-ի դա­տարա­նը այս հաս­տա­տու­մով պա­հան­ջած էր, որ ՏԵ­միր­թաշ իս­կոյն ազատ ար­ձա­կուի։ Թուրքիոյ Ար­դա­րադա­տական Նա­խարա­րու­թիւնը առար­կութեան հա­մար նշո­ւած ժամ­կէ­տի աւար­տին դի­մում ներ­կա­յաց­նե­լով պա­հան­ջեց որ խնդի­րը դար­ձեալ քննար­կո­ւի։

ՏԵՄ կու­սակցու­թեան հա­մանա­խագահ­ներ՝ Թիւ­լայ Հա­թիմօ­ղուլլա­րը եւ Թունճէր Պա­քըր­հան X հար­թա­կի գրա­ռումնե­րով դա­տապար­տե­ցին նա­խարա­րու­թեան այս որո­շու­մը։

Հա­թիմօ­ղուլլա­րը «ԵՄԻԱ-ի վճի­ռին առար­կե­լով վնաս կը հասցնեն հա­սարա­կական խա­ղաղու­թեան եւ ար­դա­րու­թեան։ Այս առար­կութիւ­նը անօ­րինու­թեան մէջ յա­մառիլ կը նշա­նակէ։ Սե­լահատ­տին Տե­միր­թաշ, Ֆի­կեն Եիւքսեք­տաղ եւ տաս­նեակ­նե­րով մեր ըն­կերնե­րը աւե­լի քան ինը տա­րի է, որ ճա­ղերու ետին գե­րեվա­րուած են։ Անար­դա­րու­թեան մէջ յա­մառու­մը ո՛չ մենք եւ ո՛չ ալ խա­ղաղա­պաշտ մի­լիոնա­ւոր ժո­ղովուրդ կ՚ըն­դունինք։ Երկրի մէջ խա­ղաղու­թիւն հաս­տա­տելու միակ մի­ջոցը մեր ըն­կերնե­րու ազա­տու­թիւնն է» ըսած է Թիւ­լայ Հա­թիմօղ­լուլլա­րը։

ՏԵՄ կու­սակցու­թո­ւեան Տի­յար­պէ­քիրի պատ­գա­մաւոր Ճեն­կիզ Չան­տար ալ X հար­թա­կի գրա­ռումնե­րով քննա­դատած է առար­կութեան որո­շու­մը։ «Այս քայ­լով նա­խարա­րու­թիւնը ապա­ցու­ցած է իր յե­տին նպա­տակը, ան­տե­սած է քիւրտ քա­ղաքա­ցինե­րու զգա­ցումնե­րը եւ աւե­լի կա­րեւո­րը երկրի ներ­քին քա­ղաքա­կանու­թեան հա­մար յոյ­սեր ներշնչող գոր­ծընթացն ալ լրջօ­րէն վնա­սուած» գրած է Չանտար։