Վերջերս Պոլսոյ մէջ հրատարակուած էր, հեղինակ Գէորգ Պ. Յակոբեանի՝ «Հայոց Կրթական Հաստատութիւններու Պատմութիւն՝ Օսմանեան Գաւառներու Մէջ» խորագիրով երկհատորը։
Այս երկու նոր հատորներուն մէջ հեղինակը գրած է նախքան ցեղասպանութիւնը Օսմանեան կայսրութեան սահմաններուն մէջ գործող մօտաւորապէս 1000 հայ կրթական հաստատութիւններու եւ որբանոցներու մասին, ուր ուսանած են շուրջ 120,000 երկսեռ աշակերտներ, 5000 ուսուցիչներով։
Առաջին հատորը բաղկացած է 512 էջերէ, իսկ երկրորդ հատորը՝ 546։
Գիրքերը հրատարակած է Պոլսոյ «Փարոս» ամսագիրի գլխաւոր խմբագիր Մայտա Սարիս։ Շնորհանդէսը կը կազմակերպուի Գերշ. Տ. Յովնան Արք. Տէրտէրեանի հովանաւորութեամբ եւ Պոլսահայ Միութեան Մշակութայ ին յանձնախումբի կազմակերպութեամբ։
Նշեալ գիրքերուն շնորհահանդէսը տեղի պիտի ունենայ 19 Հոկտեմբեր, Կիրակի օր ժամը 15.00-ին Լոս Անճէլըսի Պոլսահայ միութեան Հրանդ Տինք դասախօսութեան սրահին մէջ։
