ԱՄՆ-Հայաստան եւ Ատրպէյճանի 8 Օգոստոսի Ուաշինկթընի մէջ եռակողմ գագաթնաժողովին ստորագրած՝ Հայաստանէն անցնելով Նախիջեւան եւ Ատրպէյճանը զիրար կապող”«Թրամփ Ճանապարհ» նախագիծին Թուրքիայէն սկսելիք մասին, առաջին հիմնադրման արարողութիւնը 22 Օգոստոսին Իկտիրի մէջ կատարուեցաւ։
Փոխադրամիջոցներու եւ Ենթակառուցուածքի Նախարար Ապտուլքատիր Ուրալօղլու նշեց, որ ԱՄՆ եւ Հայաստան «Թրամփ Խաղաղութեան եւ Բարգաւաճման Ճանապարհ», իսկ Թուրքիա եւ Ատրպէյճան “«Զանգեզուրի Միջանցք» կ՚անուանեն այս փոխադրական գիծը, որ Հարաւային Կովկասի մէջ խաղաղութիւն եւ բարգաւաճումով լի նոր շրջանի սկիզբը պիտի դառնայ։ Նախարարը յայտնեց թէ «Կարս-Իկտիր-Արալըք-Տիլուճու Երկաթուղային Գիծի շինարարութիւնը սկսելու”անպատմելի գոյժ եւ ուրախութիւն» կ՚ապրի։
Ուրալօղլու ըսաւ թէ Զանգեզուրի Միջանցքին կեանքի կոչումը ապահովող ամենէն յստակ առաջին քայլերէն մէկը առնելով՝ ոչ միայն Թուրքիոյ, այլեւ ամբողջ Հարաւային Կովկասի եւ Եւրասիայի ապագային կնիք կը դնեն։
«Զանգեզուրի Միջանց» եզրը Թուրքիա եւ Ատրպէյճան կը գործածեն, մինչ ԱՄՆ եւ Հայաստան Ուաշինկթըն Գագաթնաժողովին ստորագրուած համաձայնութիւններուն մէջ պաշտօնապէս գրանցուած “Թրամփ Խաղաղութեան եւ Բարգաւաճման Ճանապարհ” (TRIPP) անունը կ՚ընդունին։
Ատրպէյճան եւ Թուրքիա՝ գիծին անցնելիք Հայաստանի Սիւնիքի մարզը յամառօրէն «Զանգեզուր» կ'անուանեն։ Հայաստանը սակայն այս անունով անուանումին դէմ կ՚ելլէ։
224 քիլոմեթր երկարութեամբ Կարս-Իկտիր-Արալըք-Տիլուճու երկաթուղային գիծը զոյգ գիծով, էլեկտրական եւ ցուցանակային յարմարութիւններով պիտի սարքուի։ Տարեկան 5.5 միլիոն ուղեւոր եւ 15 միլիոն թոն բեռ փոխադրելու կարողութիւն ունենալիք այս գիծը՝ 5 լեռնային անցք, 19 բաց-փակ անցք, 3 բարձր կամուրջ, 10 կամուրջ, 144 ենթանցում, 27 վերանցում եւ 480 ծորակով ճարտարագիտական հրաշք մը պիտի ըլլայ։
Ուրալօղլուն յաւելեց թէ ապահովուած է շինարարական պիւտճէն, որ կը կազմէ 2.4 եռիլիոն եւրօ։Ծրագրի աւարտը կը նախատեսուի 4-5 տարիներու ընթացքին։
«Արմէնփրէս»ի հաղորդումով Հայաստանի Տարածաշրջանային Վարչութեան եւ Ենթակառուցուածքի Նախարար Դաւիթ Խուտաթեան առարկեց «Զանգեզուրի Միջանցք» եզրին։
«Միայն Հայաստանի Հանրապետութեան Կառավարութեան կողմէ առաջարկուած, ընդունուած կամ հաստատուած ենթակառուցուածքային նախագիծերը Հայաստանի Հանրապետութեան տարածքներուն վրայ կեանքի կ՚անցնին եւ կ'իրագործուին։ Այսպիսի նախագիծերու օրինակ կարելի է բերել ‘«Հիւսիս-Հարաւ», «Խաղաղութեան Խաչմերուկ»'եւ «TRIPP» նախագիծերը։ Նշուած չափանիշներուն չհամապատասխանող ոչ մէկ ենթակառուցուածք, անունը ինչ ալ որ ըլլայ, Հայաստանի Հանրապետութեան տարածքներուն վրայ կեանքի չանցնիր» ըսաւ Խուտաթեան։
