Փաշինեան Չինաստանի մէջ Ալիեւի եւ Էրտողանի հետ հանդիպումներ ունեցաւ

Շանկհա­յի հա­մագոր­ծակցու­թեան կազ­մա­կեր­պութեան վե­հաժո­ղովի ծի­րին մէջ, վար­չա­պետ Նի­կոլ Փա­շինեան ան­ջատ հան­դի­պումներ ու­նե­ցաւ Ատրպէյ­ճա­նի նա­խագահ Իլ­համ Ալիեւի եւ Թուրքիոյ նա­խագահ Ռե­ճեփ Թայ­յիպ Էր­տո­ղանի հետ։

Ըստ Հա­յաս­տա­նի եւ Ատրպէյ­ճա­նի կա­ռավա­րու­թիւննե­րուն հրա­պարա­կած նոյն հա­ղոր­դագրու­թեան՝ Փա­շինեան եւ Ալիեւ քննար­կե­ցին Հա­յաս­տա­նի եւ Ատրպէյ­ճա­նի մի­ջեւ խա­ղաղու­թեան օրա­կար­գը`կա­րեւոր նկա­տելով կա­ռու­ցո­ղական երկխօ­սու­թեան, փո­խադարձ վստա­հու­թեան եւ շրջա­նային կա­յու­նութեան անհրա­ժեշ­տութիւ­նը։ Անոնք ընդգծե­ցին Ուա­շինկթը­նի մէջ տե­ղի ու­նե­ցած վեր­ջին վե­հաժո­ղովին ձե­ւաւո­րուած դրա­կան ըն­թացքը, որ կը վկա­յէ խա­ղաղու­թիւնը յա­ռաջ տա­նելու եւ յա­րաբե­րու­թիւննե­րու կար­գա­ւոր­ման հո­լովոյ­թին մի­ջազ­գա­յին ըն­տա­նիքի աջակ­ցութեան մա­սին։

Կող­մե­րը հա­մաձայ­նե­ցան շա­րու­նա­կել հա­ղոր­դակցու­թիւննե­րը։

Ըստ հայ­կա­կան կող­մին՝ Էր­տո­ղանի հետ հան­դի­պու­մին ըն­թացքին կա­րեւոր նկա­տուե­ցաւ տա­րածաշրջա­նին մէջ կա­յու­նութեան եւ խա­ղաղու­թեան հաս­տատման ձգտող քայ­լե­րը։

Փա­շինեան եւ Էր­տո­ղան շեշ­տե­ցին կա­ռու­ցո­ղական մօ­տեցումնե­րու պահ­պանման անհրա­ժեշ­տութիւ­նը` փո­խադարձ վստա­հու­թեան մթնո­լոր­տի ձե­ւաւոր­ման եւ տա­րածաշրջա­նային հա­ղոր­դակցու­թիւննե­րու զար­գացման նպա­տակով։ Անոնք հա­մաձայ­նե­ցան շա­րու­նա­կել երկխօ­սու­թիւնը։

Թուրքիոյ նա­խագա­հի աշ­խա­տակազ­մը իր կար­գին հա­ղոր­դեց, որ Թուրքիոյ նա­խագա­հը յայ­տա­րարեց, թէ գոհ է Հա­յաս­տա­նի եւ Ատրպէյ­ճա­նի մի­ջեւ խա­ղաղու­թեան հաս­նե­լու հո­լովոյ­թի ըն­թացքէն։

«Թուրքիա կ՚աջակ­ցի տա­րածաշրջա­նին մէջ խա­ղաղու­թեան, կա­յու­նութեան եւ զար­գացման, եւ պի­տի շա­րու­նա­կէ իր ներդրու­մը ու­նե­նալ այդ հո­լովոյ­թին մէջ», ըսաւ Էրտողան։