Մեծ հաճոյքով կ՚ուզենք տեղեկացնել թէ Պոլսահայ համակրելի երգչուհի Սիպիլը կը պատրաստուի Հայկական Բարեգործական Ընդհանուր Միութեան (AGBU) հրաւէրով առաջին անգամ այցելել Աւստրալիա։
Աւստրալիոյ հայ համայնքը լսելով այս այցելութեան մասին, յուզական անհամբերութեամբ կը սպասէ համերգի օրը։
Սիպիլ Սիտնէյի եւ Մելպըռնի մէջ պիտի ունենայ երկու համերգներ։ Անոնցմէ առաջինը պիտի կայանայ 23 Մարտին Սիտնէյի մէջ։ Այս համերգին շնորհալի երգչուհիին պիտի ընկերանան «Թամզարա» պարախումբն ու երաժիշտներ, իսկ 7 Ապրիլի Մելպոռնի համերգին մաս պիտի կազմեն «Ազատ Ղարիպեան» պարախումբը, Ակինեան Վարժարանի մանկանց երգչախումբն ու երաժիշտներ։
Սիպիլը մօտաւորապէս ամիս մը պիտի մէկտեղուի աւստրալիահայ համայնքին հետ եւ պիտի ունենայ զանազան շփումներ ու հանդիպումներ։