Ռուսիոյ ապահովութեան դաշնակցային ծառայութեան տնօրէնի թեկնածու Ալեքսանտր Պորթնիքով Երեքշաբթի օր յայտարարեց, որ ռուս սահմանապահները պիտի պահպանեն իրենց ներկայութիւնը Հայաստանի մէջ։
Դաշնակցային խորհուրդին մէջ իր թեկնածութեան շուրջ քննարկումներուն ընթացքին, ան վերահաստատեց, որ ռուս սահմանապահները պիտի շարունակեն իրենց ծառայութիւնը հայ-թրքական եւ հայ-իրանական սահմաններուն վրայ։
«Թասս» լրատու գործակալութեան համաձայն՝ Պորթնիքով յիշեցուց, որ Հայաստանի իշխանութիւնները պաշտօնապէս դիմեցին Մոսկուային՝ ռուսական զօրքը շփման գիծէն դուրս բերելու խնդրանքով, եւ հայկական կողմին խնդրանքով պիտի փակուի նաեւ Երեւանի «Զուարթնոց» օդակայանի սահմանային անցակէտը։
