Դեմոկլեան թուրը կը շարունակէ ճոճուիլ

Իշխող կա­ռավա­րու­թեան ձե­ռին դե­մոկ­լեան թու­րը կը շա­րու­նա­կուի ճո­ճուիլ Ժո­ղովուրդա­հան­րա­պետա­կան Կու­սակցու­թեան ընտրեալ քա­ղաքա­պետ­նե­րուն վրայ։ Այդ հա­րուած­նե­րու վեր­ջի­նը վի­ճակե­ցաւ Պէ­յօղ­լո­ւի քա­ղաքա­պետ Ինան Կիւ­նէ­յին։ Ան ալ իր կար­գին ձեր­բա­կալո­ւելով միացաւ իր­մէ առա­ջուայ 15 քա­ղաքա­պետ­նե­րու շար­քին։

Այս բո­լորը կը յի­շեց­նեն նա­խագահ Էրո­ղանի մօտ ան­ցեալին հրա­հան­գած «Սա քա­ղաքա­պետա­րան­նե­րը թո­թուե­ցէք տես­նենք» ելոյթը։

Ժո­ղովուրդնե­րու Ժո­ղովրդա­վարու­թեան Կու­սակցու­թեան բան­տարկեալ պե­տը Տե­միր­թաշ տա­րիներ առաջ զգու­շա­ցու­ցած էր ընդդի­մադիր քա­ղաքա­կան գոր­ծիչնե­րը՝ ըսե­լով որ «Եթէ այ­սօր չա­ռար­կէք մե­զի դէմ կա­տարո­ւածին, վա­ղը նոյ­նը ձե­զի դէմ ալ պի­տի գոր­ծադրո­ւի»։

Այս բո­լորին դէմ ժո­ղովրդա­հան­րա­պետա­կան­նե­րը կը փոր­ձեն բո­ղոքի ցոյ­ցե­րով դի­մադ­րել՝ սա­կայն հա­լածան­քի ալի­քը կրկին ու կրկին կը բա­խի այդ կու­սակցու­թեան պա­րիսպնե­րուն։

Շա­տեր յոյ­սը կա­պած են 2,5 տա­րի ետք կա­տարո­ւելիք ընտրու­թիւննե­րուն՝ բայց նոյնպէս շա­տերու հա­մար ալ խիստ կաս­կա­ծելի է թէ այդ ընտրու­թիւննե­րը պի­տի իրա­կանա­նա՞ն թէ ոչ։