Իսրայէլի յարձակումները կը շարունակուին

Իսրայէ­լի բա­նակը զի­նադա­դարը խախ­տե­լով՝ 28 Հոկ­տեմբե­րի երե­կոյեան ժա­մերուն Կազ­զա եւ Տէյր էլ-Պա­լահ շրջան­նե­րուն վրայ յար­ձա­կումներ կա­տարեց։ Կազ­զա­յի կեդ­րո­նին հիւ­սի­սային կող­մը, Շի­ֆա Հի­ւան­դա­նոցի եւ շրջա­կայ բնա­կելի շէն­քե­րուն եւ կա­ցարան­նե­րուն վրայ կա­տարո­ւած յար­ձա­կումնե­րուն մէջ կեան­քը կորսնցու­ցած պա­ղես­տի­նացի­ներու թի­ւը 91-ի բարձրա­ցաւ։

Պա­ղես­տի­նի պաշ­տօ­նական գոր­ծա­կալու­թիւն ՎԱ­ՖԱ-ի տո­ւած տե­ղեկու­թիւննե­րուն հա­մաձայն՝ Իս­րա­յէլի բռնու­թեամբ կա­տարո­ւած յար­ձա­կումնե­րուն մէջ Կազ­զա­յի շրջա­նին հիւ­սի­սային, մի­ջին եւ արե­ւելեան կող­մե­րուն բա­ցի նշո­ւած 91 զո­հերէ, կան բազ­մա­թիւ վի­րաւո­րեալ­ներ, որոնց մէկ մա­սը ծան­րօ­րէն վնա­սուած են։ Յի­շուած է նաեւ թէ փլա­տակ­նե­րու տակ ալ մնա­ցող­ներ կան։

Իս­րա­յէլի բա­նակի յայ­տա­րարու­թիւնով, Հա­մասի յար­ձա­կու­մին զոհ գա­ցած է Յո­նահ Էֆ­րա­յիմ Փելդբաում անու­նով զի­նուոր մը։ Հա­մաս մեր­ժած է այս պնդու­մը։

Զի­նադա­դարը վերսկսաւ

Իս­րա­յէլի բա­նակէն կա­տարո­ւած 29 Հոկ­տեմբե­րի յայ­տա­րարու­թեան մէջ կը նշո­ւի թէ, «Հա­մասի խախ­տումնե­րուն պատ­ճա­ռով զի­նադա­դարը ընդհա­տուե­լէն ետք փո­խադարձ պա­տաս­խան տրուած է»։ Յար­ձա­կումնե­րու ըն­թացքին Հա­մասի ան­դամնե­րը եւ են­թա­կառու­ցո­ւածքնե­րը թի­րախա­ւորո­ւած են։

Իս­րա­յէլի փո­խան­ցած տե­ղեկու­թիւննե­րուն հա­մաձայն՝ զի­նադա­դարը գոր­ծադրո­ւիլ սկսաւ ժա­մը 10:00-էն ետք։