Մեծն Բրիտանիա վերցուց Հայաստանին եւ Ատրպէյճանին զէնք մատակարարելու արգելքը

Մեծն Բրի­տանիա չե­ղեալ հա­մարեց Հա­յաս­տա­նին եւ Ատրպէյ­ճա­նին զէնք մա­տակա­րարե­լու ար­գելքը, յայ­տա­րարու­թեան մը մի­ջոցով տե­ղեկա­ցուց երկրին պե­տական նա­խարար Սթի­վըն Տաու­թի։

Անոր յայ­տա­րարու­թեան մէջ նաեւ կ՛ըսո­ւի, թէ, նկա­տի ու­նե­նալով Հա­յաս­տա­նի եւ Ատրպէյ­ճա­նի մի­ջեւ յա­ռաջըն­թա­ցը, խա­ղաղու­թեան շա­րու­նա­կական ջան­քե­րուն աջակ­ցե­լու հա­մար Մեծն Բրի­տանիա որո­շած է Հա­յաս­տա­նի եւ Ատրպէյ­ճա­նի հետ բարձրաց­նել իր երկկողմ յա­րաբե­րու­թիւննե­րուն մա­կար­դա­կը՝ զայն հասցնե­լով ռազ­մա­վարա­կան գոր­ծընկե­րու­թեան։ Ըստ Լոն­տո­նի` այս որո­շու­մով Միացեալ Թա­գաւո­րու­թիւնը նաեւ կ՛աջակ­ցի եր­կու եր­կիրնե­րու գե­րիշ­խա­նու­թեան եւ տա­րած­քա­յին ամ­բողջա­կանու­թեան պահ­պանման՝ «զա­նազան տե­սակի սպառ­նա­լիք­նե­րէ»։

«Կը կար­ծենք, որ 1992ի ԵԱՀ­Կի զէն­քի ար­գելքը այ­լեւս այժմէական չէ», շեշ­տեց Տաու­թի։

Սա­կայն, Հա­յաս­տան եւ Ատրպէյ­ճան ար­տածման եւ առեւ­տուրի ար­տօ­նագիր­նե­րու դի­մումնե­րը պի­տի շա­րու­նա­կուին ար­ժե­ւորո­ւիլ ան­հա­տական հե­տազօ­տու­թեան հի­ման վրայ։ Մեծն Բրի­տանիոյ ռազ­մա­վարա­կան ար­տածման ար­տօ­նագ­րութեան չա­փանիշ­նե­րուն հա­մապա­տաս­խան։

«Մենք ու­շա­դիր կը հե­տեւինք եր­կու եր­կիրնե­րուն մէջ տա­րածաշրջա­նի եւ ներ­պե­տական ապա­հովա­կան իրա­վիճա­կին», շեշ­տեց Տաու­թի յայտնե­լով, թէ ինք յոյս ու­նի, որ Ուա­շինկթը­նի պայ­մա­նաւո­րուա­ծու­թիւննե­րով Հա­րաւա­յին Կով­կա­սի մէջ իս­կա­պէս խա­ղաղու­թեան սկիզբ կը դրուի։