Նիւ Եորքի քաղաքապետի պաշտօնը նուաճած է իսլամադաւան գաղթական մը ըլլալով ծանօթ Զոհրան Մամտանի։ Ան երկար ժամանակէ ի վեր նախագահ Թրամփի հալածանքներուն ենթարկուած էր իր մահմետական, հնդիկ եւ հարաւային ափրիկեցի ծագումին պատճառաւ։ Արդարեւ Թրամփ զինք կը թիրախաւորէր խենդ կոմունիստ կոչելով։
Միւս կողմէ 34 ամեայ Մամտանի ԱՄՆ-ի մեծագոյն նահանգի՝ Նիւ Եորքի քաղաքապետութեան պաշտօնին կոչուած ամենաերիտասարդ անձը եղաւ։ Ան յաջողեցաւ գործածուած ձայներու 50,4-ը ստանալ։ Այժմ կը սպասուի թէ Թրամփ այս պարտութենէ ետք ինչպիսի՞ պատժամիջոցներու պիտի դիմէ, քանի որ ան նախապէս յայտարարած էր թէ Մամտանիի ընտրութեան պարագային պիտի չեղարկէ երկրի այս մեծագոյն նահանգի տրամադրուած յատկացումները։
