Թերթիս նախորդ թիւով մանրամասնօրէն ծանօթացուցած էինք Հրանդ Տինք Հիմնարկի ցեղասպանութեան 100-ամեակի համար պատրաստած նախագիծը։ Արդարեւ 20 Ապրիլին, 23,5 Հրանդ Տինք Յիշողութեան Վայրին մէջ կայացաւ միջոցառումներու շարքի առաջին աշխատանոցը։
Այդ օր Յիշողութեան Վայրի հիմնադիրներէն ալ եղող Նեսլիհան Պալի ժամանակակից արուեստագէտ Սարգիսի մտայղացած «Աղ եւ Լոյս» անուն գործը վերլուծեց ներկայ երախաներուն համար։
Ան այս առթիւ նշեց որ մատնահետքը իւրայատուկ է եւ ստորագրելու ամենանախնական ձեւը։ Ան յիշեցուց, որ քարայրներու մէջ յայտնաբերուած հնագոյն նմոյշներն ալ ձեռքի հետքեր են։ «Ուզեցինք որ գեղարուեստական արտայայտութեան այս ամենանախնական կիրարկումը կրկնենք նաեւ մերօրեայ անչափահասներով»։ ըսաւ Նեսլիհան Պալի։ Մատնահետքերով դրոշմելու գործընթացը պիտի շարունակուի մինչեւ 27 Ապրիլ, այս նախաձեռնութեան աւարտը։
