«Հակառակ այն իրողութեան, որ Հայաստան միշտ դէմ եղած է Զանգեզուրի միջանցքին, անիկա աւելի ճկուն մօտեցում կը ցուցաբերէ տնտեսական համարկման մասնակցելու հարցին գծով» յայտարարեց Թուրքիոյ նախագահ Ռեճեփ Թայյիպ Էրտողան։
Ըստ «Անատոլու» պետական լրատուական գործակալութեան։ Էրտողան պնդեց նաեւ, որ «Զանգեզուրի միջանցքը» նոր կարելիութիւններ պիտի տայ ոչ միայն Ատրպէյճանին, այլ նաեւ ամբողջ տարածաշրջանին։
«Մենք այս գիծը կը դիտարկենք իբրեւ աշխարհատնտեսական յեղափոխութեան մէկ մասը», յայտնեց Էրտողան՝ յուսալով, որ Հայաստան-Ատրպէյճան խաղաղութեան պայմանագիրի ստորագրութեան շնորհիւ «նոր եւ պատմական կարելիութիւններու պատուհաններու բացումին ականատես պիտի դառնան»։
