Հայաստանի Հանրապետութեան սահմանահատման կնիքին վրայ այլեւս պիտի չըլլայ Արարատ լերան պատկերը

Հայաստա­նի կա­ռավա­րու­թեան որո­շու­մով 1 Նո­յեմ­բեր 2025-էն Հա­յաս­տա­նի Հան­րա­պետու­թեան մուտքի կամ ել­քի սահ­մա­նահատ­ման կնի­քին վրայ այ­լեւս պի­տի չըլ­լայ Արա­րատ լե­րան պատ­կե­րը, պի­տի չըլ­լան նաեւ այլ տե­ղեկու­թիւններ, բա­ցառու­թեամբ սահ­մա­նահատ­ման վե­րաբե­րեալ։

Գոր­ծա­դիրը այս որո­շու­մը ըն­դունած է 11 Սեպ­տեմբե­րին. Այն նե­րառո­ւած էր չզե­կու­ցո­ւող հար­ցե­րու շար­քին։ Աշ­խա­տան­քի եւ ըն­կե­րային հար­ցե­րու նա­խարար Ար­սէն Թո­րոսեան ըն­կե­րային ցան­ցե­րու վրայ ներ­կա­յացու­ցած է որո­շու­մին հիմ­նա­ւորումնե­րը՝ կնիք­նե­րը հա­մապա­տաս­խա­նեցո­ւած են սահ­մա­նահա­տումնե­րուն ներ­կա­յացո­ւող ժա­մանա­կակից պա­հանջնե­րուն, ինչպէս նաեւ «Իրա­կան Հա­յաս­տան»-ի գա­ղափա­րախօ­սու­թեանը։

Ան դի­մատետ­րի իր էջին վրայ տե­ղադ­րած է որո­շու­մին սահ­մա­նուած կնիք­նե­րու նոր ձե­ւերը, ինչպէս նաեւ իր անձնա­գիրին մէջ առ­կայ տար­բեր եր­կիրնե­րու կնիք­նե­րը՝ նշե­լով, որ աշ­խարհի շատ եր­կիրնե­րու մէջ եւս կնիք­նե­րու վրայ միայն սահ­մա­նահատ­ման վե­րաբե­րեալ տե­ղեկա­տուութիւնն է։