Թիւրքիոյ Օդային Ուղիներու ընկերութիւնը կը պատրաստուի Հայաստանի թռիչքներու

Թիւրքիոյ Օդա­յին Ու­ղի­ներու ըն­կե­րու­թեան հան­րա­յին տե­ղեկա­տուու­թեան հար­թա­կին վրայ յայ­տա­րարո­ւեցաւ՝ «Հնա­րաւո­րու­թիւննե­րուն եւ շու­կա­յին պայ­մաննե­րուն հա­մեմատ, որո­շում կա­յացո­ւած է սկսե­լու կա­նոնա­ւոր թռիչքներ դէ­պի Հա­յաս­տա­նի մայ­րա­քաղաք Երե­ւան»։

Սոյն յայ­տա­րարու­թեան մէջ հե­տեւեալ ար­տա­յայ­տութիւննե­րուն տե­ղ տո­ւաւ՝

«Մեր կազ­մա­կեր­պութեան վար­չութեան խոր­հուրդը, հնա­րաւո­րու­թիւննե­րուն եւ շու­կա­յին պայ­մաննե­րուն հա­մեմատ, որո­շում կա­յացու­ցած է սկսե­լու կա­նոնա­ւոր թռիչքներ Ռու­մի­նիոյ Թե­մեշ­վար քա­ղաքը եւ Հա­յաս­տա­նի մայ­րա­քաղաք Երե­ւան»։

Թուրքիա-Հա­յաս­տան բնա­կանո­նաց­ման ըն­թացքին մէջ, պա­տուի­րակու­թիւննե­րու վե­ցերորդ հան­դի­պու­մը 11 Սեպ­տեմբե­րին առա­ջին ան­գամ Հա­յաս­տա­նի մայ­րա­քաղաք Երե­ւանի մէջ կա­տարո­ւած էր։ Թուրքիոյ պա­տուի­րակու­թիւնը ցա­մաքա­յին սահ­մա­նը անցնե­լով Երե­ւան հա­սած էր։

Հա­յաս­տա­նի Ար­տա­քին Գոր­ծոց Նա­խարա­րու­թիւնը հան­դի­պու­մէն ետք ըրած յայ­տա­րարու­թեան մէջ «Կող­մե­րը նաեւ որո­շեցին 2026 ամա­ռէն սկսեալ տար­բեր ըն­կե­րու­թիւննե­րու հա­մար տար­բեր կէ­տեր թռիչքներ սկսե­լու անհրա­ժեշտ պատ­րաստու­թիւննե­րուն կա­տարու­մը եւ այսպի­սով եր­կու եր­կիրնե­րու մի­ջեւ օդա­յին ու­ղի­ներուն եւ թռիչքնե­րուն թի­ւը ընդլայ­նե­լը» ար­տա­յայ­տութիւննե­րուն տե­ղ տո­ւած էր։

«Շա­րու­նա­կու­թիւնը պի­տի գայ»

Եր­կար տա­րիներ Թուրքիոյ եւ Հա­յաս­տա­նի մի­ջեւ օդա­նաւա­յին թռիչքներ կազ­մա­կեր­պող գոր­ծա­րար Տիգ­րան Ալ­թուն, զար­գա­ցու­մը գնա­հատեց «Ակօս»ին։

«Ան­ցեալին ալ Թիւրքիոյ Օդա­յին Ու­ղի­ներու ըն­կե­րու­թեան հետ դէ­պի Երե­ւան թռիչք կա­տարե­լու մա­սին խօ­սակ­ցութիւններ ըրած ենք, սա­կայն որո­շում չէ կա­յացած։ Այս թռիչքնե­րու մա­սին վերջնա­կան որո­շու­մը կը մնար Ար­տա­քին Գոր­ծոց Նա­խարա­րու­թեան։ Դէ­պի Հա­յաս­տան թռիչքնե­րու սկսի­լը բնա­կանո­նաց­ման ըն­թացքին վրայ դրա­կան ազ­դե­ցու­թիւն պի­տի ու­նե­նայ»։

Ալ­թուն նշեց որ թէեւ ման­րա­մաս­նութիւննե­րը չեն յստա­կացած, բայց կա­րելի է են­թադրել թէ նման քայ­լե­րու շա­րու­նա­կու­թիւնը պի­տի գայ, որու հե­տեւան­քով Հա­յաս­տա­նի մէջ դրա­կան մթնո­լորտ մը կը ստեղծուի։